Johane 14:31 - Siswati 1996 Bible

³¹ Kodvwa konkhe loku kwentekela kutsi live lati kutsi Babe ngiyamtsandza, nekutsi ngenta njengobe yena angiyalile. “Sukumani, sambe!”

Johane 14:31 Referencias Cruzadas

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Isaya 50:5

INkhosi Simakadze itivulile tindlebe tami, nami angikayivuseli umdlonga, angikagucuki kuyo.

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 26:46

Sukumani sambe! Bukani, lona longitsengisako sewusondzele!”

Lukha 12:50

“Kunembhabhatiso lengitawemukela; maye, ngicindzetelekile, uyawudzimate wendlule!

Johane 10:18

Kute longangemuka kuphila kwami. Ngikubeka phansi mine ngekwami. Nginawo emandla ekukubeka phansi, newekuphindze ngikutsatse futsi. Nguloko lengikutfunywe nguBabe kutsi ngikwente.”

Johane 12:27

“Manje inhlitiyo yami ilusizi. Ngitawutsini nje? Ngitsi: ‘Babe, ngisindzise kulomzuzu’? Cha, phela lapha emhlabeni ngetela lomzuzu.

Johane 12:49

Ngobe mine angikatikhulumeli ngekwami, kodvwa Babe, lokunguyena angitfumile, nguye longinike imiyalo yekutsi ngifanele ngitsini, ngikhulumeni.

Johane 13:1

Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.

Johane 15:9

Njengaloku Babe angitsandzile, nami nginitsandzile. Hlalani elutsandvweni lwami.

Johane 18:11

Jesu watsi kuPhetro: “Buyisela inkemba yakho esikhwameni sayo! Kantsi angisete ngayinatsa yini lendzebe yelusizi lengiyinikwe nguBabe?”

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

KubaseFiliphi 2:8

watitfoba, walalela kwadzimate kwaba ngusekufeni, yebo, ekufeni kwesiphambano.