Johane 14:20 - Siswati 1996 Bible

²⁰ Ngalelo langa nine niyakwati kutsi ngikuBabe nekutsi nine nikimi, njengobe nami ngikini.

Johane 14:20 Referencias Cruzadas

Johane 10:38

Kodvwa nangabe ngenta yona, nome ngabe anikholwa kimi, kholwani ngulemisebenti lengiyentako, kuze nitekwati, nihlale nati kutsi Babe uhlala kimi, nami ngihlala kuye.”

Johane 14:10

Filiphu, awukholwa yini kutsi ngikuBabe, naBabe ukimi? Lamavi lengiwakhulume kini, angitikhulumeli mine, kodvwa Babe lohlala kimi nguye lowenta umsebenti wakhe ngami.

Johane 14:11

Ngikholweni kutsi ngikuBabe, naBabe ukimi. Nakungenjalo ngikholweni ngenca yalemisebenti.

Johane 16:23

“Ngalelo langa aniyiwubuta lutfo kimi. Ngicinisile, ngicinisile, ngitsi kini: Nome ngabe yini leniyicela kuBabe, uyawuninika yona egameni lami.

Johane 16:26

Ngalelo langa niyawucela ngelibito lami; angisho nekutsi ngiyawunicelela mine kuBabe.

Johane 17:11

Manje mine sengita kuwe; angisekho eveni, kodvwa bona baseseveni. Babe Longcwele, bagcine egameni lakho longiphe lona, kuze nabo babe munye, njengobe wena nami simunye.

Johane 17:26

Ngibatisile libito lakho, futsi ngisetawuchubeka ngente njalo, kuze kutsi lutsandvo longitsandze ngalo lube khona nakubo, nami ngibe kubo.”

Johane 17:7

Manje-ke sebayati kutsi konkhe longinike kona kuphuma kuwe,

Johane 6:56

“Lodla inyama yami, anatse ingati yami, unekuphila; uhlala kimi, nami ngihlala kuye.

KubaseRoma 16:7

Hambisani Andronikhusi naJuniyasi, tihlobo tami letatisejele kanye nami. Bona babalulekile kubaphostoli, baba ngemaKhristu kucala kunami.

KubaseRoma 8:1

Sekute kulahlwa kulabo labakuKhristu Jesu.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

2 kubaseKorinthe 12:2

Kukhona umuntfu lengimati akuKhristu, lekwatsi eminyakeni leli-14 leyendlulile, wenyuselwa ezulwini lesitsatfu; nome abesemtimbeni nome abekuMoya, angati; nguNkulunkulu lowatiko.

2 kubaseKorinthe 13:5

Tihlolisiseni nine ngekwenu nitibone kutsi nibambelele yini ekukholweni kwenu. Tivivinyeni nine. Aniboni yini kutsi Jesu Khristu ukini? Ngaphandle kwaloko nitehluleki!

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

KubaseGalathiya 2:20

ngako-ke mine angisaphili, kodvwa nguKhristu lophila kimi. Nalemphilo lengiyiphilako kulomtimba, ngiyiphila ngekukholwa yiNdvodzana yaNkulunkulu leyangitsandza yatinikela yona matfupha esikhundleni sami.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

KubaseKholose 1:19

Kwakuyintsandvo nenjongo yaNkulunkulu, kutsi ahlale kuJesu ngebuNkulunkulu bakhe bonkhe,

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

KubaseKholose 2:9

Emtimbeni waKhristu kuhlala kuphelela konkhe kwebuNkulunkulu.

1 yaJohane 4:12

Kute umuntfu lowase wabona Nkulunkulu; nasitsandzana-ke, Nkulunkulu uhlala kitsi, nelutsandvo lwakhe luphelelisiwe kitsi.