Johane 13:4 - Siswati 1996 Bible

⁴ wasukuma etafuleni wakhumula ingubo yakhe, wabopha lithawula elukhalweni lwakhe.

Johane 13:4 Referencias Cruzadas

2 Emakhosi 3:11

Kodvwa Jehoshafati wabuta, watsi: “Kute yini lapha umphrofethi waSimakadze, kuze siyewubuta ngaye kuSimakadze?” Indvuna yenkhosi yaka-Israyeli yaphendvula, yatsi: “Elisha, umsa waShafati, ulapha. Abevamise kutsela emanti etandleni ta-Elija.”

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Lukha 17:7

“Ase ngitsi lomunye wenu unesisebenti lesilimako nome leselusa tinkhomo nome timvu. Nase sibuya ensimini angasho yini kuso kutsi: ‘Hlala phansi kucala udle naku kudla’?

Lukha 17:8

Cha! Esikhundleni saloko angatsi kuso: ‘Faka sidziya sakho, ungilungisele kudla kwami, unginike ngidle nginatse; emvakwaloko-ke nawe utawuhlala phansi udle unatse.’

Lukha 22:27

Ngubani lomkhulu, ngulohlalako angene ngekudla yini, nome ngulona lolungisela lomunye kudla? Vele, ngulona lohlalako angene ngekudla. Kodvwa mine ngisemkhatsini wenu njengemuntfu lonilungiselako.

Johane 13:12

Nasacedzile kubageza tinyawo, wabuye watsatsa ingubo yakhe wembatsa wabuyela endzaweni yakhe wahlala phansi. Wababuta watsi: “Niyakwati yini loku lengikwentile?

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.

1 yaJohane 3:11

Lona ngumyalo lenawuva kusukela ekucaleni kutsi kufanele sitsandzane.