Johane 13:27 - Siswati 1996 Bible

²⁷ Emvakwalolo lucetu, Sathane wase ungena kuJudasi. Jesu watsi kuye: “Loko lohlose kukwenta kwente masinyane.”

Johane 13:27 Referencias Cruzadas

1 Emakhosi 18:27

Emini Elija wacala wabaphukuta atsi: “Memetani kakhulu! Impela ungunkulunkulu. Mhlawumbe ujulile uyacabanga, nome uyasebenta, nome useluhambeni. Mhlawumbe ulele, ngako kufanele avuswe.”

Tihlabelelo 109:6

Bakhuluma batsi: “Akagwetjwe ngumehluleli lomubi, ummangaleli wakhe amelane naye.

Taga 1:16

ngobe tinyawo tabo tigijimela lokubi, basheshe bacitse ingati.

Umshumayeli 9:3

Naku lokubi kuko lokwentekako lapha ngaphansi kwemtfunti welilanga: Bonkhe behlelwa siphetfo lesifananako. Ngetulu kwaloko tinhlitiyo tebantfu tigcwele bubi, kantsi kunebuhlanya etinhlitiyweni tabo basaphila, emvakwaloko bangena ekufeni.

Danyela 2:15

Wabuta lendvuna yenkhosi, watsi: “Inkhosi iwukhipheleni lomtsetfosimemetelo lonesihluku lesibi kangaka?” Ariyoki wabe sewuchazela Danyela kahle yonkhe lendzaba.

Matewu 12:45

ubese uyahamba ulandze leminye imimoya lesikhombisa lemibi kakhulu kunawo, ite ingene ihlale khona. Ngako siphetfo salowo muntfu siyawuba sibi kakhulu kunesimo sakhe sekucala. Kuyawuba njalo nakulesitukulwane lesibi.”

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Makho 6:25

Masinyane intfombatana yabuya igijima, yafika enkhosini yacela yatsi: “Ngifuna ungiphe nyalo nje inhloko yaJohane uMbhabhatisi, ibekwe emgcwembeni.”

Lukha 22:3

Sathane wase ungena kuJudasi Skariyothe, labengulomunye webafundzi lababeli-12.

Johane 13:2

Sathane abesakufake enhlitiyweni yaJudasi, umsa waSimoni Skariyothi, kutsi atsengise ngaJesu. Kwatsi nasekudliwa entsambama,

Johane 13:28

Kute kulaba lababesetafuleni lowati kutsi usho kutsini Jesu, nakasho njalo kuye.

Johane 6:70

Jesu wabaphendvula watsi: “Anginikhetsanga naba li-12 yini nine? Noko lomunye wenu ungusathane.”

Imisebenti yebaPhostoli 5:3

Phetro watsi kuyo: “Ananiyase, umvumeleleni Sathane kutsi abuse inhlitiyo yakho akwente ucale emanga kuMoya Longcwele ngekugodla incenye yalemali leyintsengo yalendzawo?