Johane 13:18 - Siswati 1996 Bible

¹⁸ “Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

Johane 13:18 Referencias Cruzadas

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Jeremiya 41:2

Ishmayeli, umsa waNethaniya, kanye nalamadvodza lalishumi labenawo asukuma akhipha tinkemba tawo abulala Gedaliya, umsa wa-Ahikamu, umsa waShafani. Gedaliya abebekwe yinkhosi yaseBhabhulona, kutsi abe ngumbusi welive.

Matewu 10:36

Titsa letinkhulu temuntfu kuyawuba bakabo.

Matewu 26:21

Batsi basadla, Jesu watsi kubo: “Ngicinisile, ngitsi kini: Lomunye wenu utangitsengisa.”

Matewu 26:23

Jesu waphendvula watsi: “Lowo lofaka sandla kanye nami esitjeni sinye, nguye lotangitsengisa.

Makho 14:17

Kwatsi sekuhlwile, Jesu wefika akanye nebafundzi bakhe labali-12.

Makho 14:18

Batsi basadla, Jesu watsi kubo: “Ngicinisile, ngitsi kini: Lomunye emkhatsini wenu, nine lenidla kanye nami, utangitsengisa.”

Makho 14:20

Jesu watsi kubo: “Ngulomunye wenu nine labali-12, lowo lowenya lucetu lwesinkhwa ndishi yinye nami.

Lukha 22:21

“Kodvwa bukani la, lona longitsengisako ukhona la etafuleni kanye nami;

Johane 13:21

Jesu asakushito loku, wakhatsateka kakhulu emoyeni wakhe, wadzimate waphumisela watsi: “Ngicinisile, ngicinisile, ngitsi kini: Lomunye emkhatsini wenu utangitsengisa.”

Johane 13:22

Bafundzi babukana bodvwana badzidzekile kutsi ingabe ukhuluma ngabani.

Johane 13:26

Jesu wamphendvula watsi: “Ngulowo lengitamenyela lucetu lwesinkhwa ngimnike.” Ngako-ke watsatsa lucetu lwesinkhwa, walwenya, walunika Judasi, umsa waSimoni Skariyothi.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:19

Kube benibelive, live belitanitsandza. Kodvwa anisibo belive, ngobe nganikhetsa eveni. Ngako-ke live liyanitondza.

Johane 15:25

Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’

Johane 17:12

Ngisesenabo, ngabalondvolota egameni lakho lowangipha lona. Ngabalondvolota, kwabate ngisho namunye emkhatsini wabo lowalahleka, ngaphandle kwalowo labesafanele kulahlwa, kuze kugcwaliseke imiBhalo.

Johane 18:32

Loku kwenteka kuze kutewugcwaliseka livi laJesu lalisho, nakachaza indlela labetawufa ngayo.

Johane 19:24

Emasotja akhuluma odvwana atsi: “Asingayisiki, kodvwa asente inkatho sitewubona kutsi itawuba yabani.” Loko kwenteka kuze kutewugcwaliseka umBhalo lotsi: “Behlukaniselana ngetimphahla tami, bentelana inkatho ngengubo yami.” Ngako emasotja akwenta loko.

Johane 19:36

Ngobe loko kwenteka kuze kugcwaliseke umBhalo lotsi: “Kute nobe linye litsambo lakhe leliyakwephulwa.”

Johane 21:17

Waphindza futsi kwesitsatfu wambuta watsi: “Simoni, msa waJohane, uyangitsandza yini?” Phetro wadzabuka enhlitiyweni yakhe, ngobe Jesu abesambute katsatfu atsi: “Uyangitsandza yini?” Phetro wamphendvula watsi: “Nkhosi, wati konkhe nje wena, uyati kutsi ngiyakutsandza.” Jesu watsi kuye: “Yondla timvu tami.

Johane 6:70

Jesu wabaphendvula watsi: “Anginikhetsanga naba li-12 yini nine? Noko lomunye wenu ungusathane.”

Imisebenti yebaPhostoli 1:16

“Madvodza, bazalwane, umBhalo bewufanele ugcwaliseke njengekusho kwaMoya Longcwele, lowakhuluma kadzeni ngaDavide macondzana naJudasi, lowahola labo lababopha Jesu.

Imisebenti yebaPhostoli 1:2

kwaze kwaba lilanga latsatfwa ngalo mhlazana aya ezulwini. Angakenyukeli ezulwini wanika imiyalo ngemandla aMoya Longcwele kubaphostoli labebakhetsile.

2 kubaseKorinthe 4:5

Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe.

KumaHebheru 4:13

Kute sidalwa lesifihlakele kuNkulunkulu, kodvwa konkhe kusebaleni kwembuliwe emehlweni alowo lekufanele sitilandze kuye.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.