Johane 12:40 - Siswati 1996 Bible

⁴⁰ “Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

Johane 12:40 Referencias Cruzadas

1 Emakhosi 22:20

Simakadze watsi: ‘Ngubani lotasihungela Ahabi kutsi ayewuhlasela iRamothi Gileyadi atiyele yena ekufeni kwakhe?’ “Lomunye waphakamisa loku, lomunye waphakamisa lokwa.

Tihlabelelo 147:3

Labanetinhlitiyo letephukile uyabaphilisa, abophe emanceba abo.

Tihlabelelo 41:4

Mine-ke ngatsi: “Awu, Simakadze, ngihawukele, ungiphilisele umphefumulo wami, ngobe ngonile kuwe.”

Tihlabelelo 6:2

Ngihawukele, Simakadze, ngobe sengidzangele, sengikhatsele, ngiphilise, Simakadze, ngobe ematsambo ami ayatfutfumela.

Eksodusi 10:1

Simakadze wakhuluma kuMosi, watsi: “Hamba uye kuFaro, ngobe ngiyente yaba lukhuni inhlitiyo yakhe neyetiphatsimandla takhe, kuze ngitekwenta letibonakaliso tami emkhatsini wabo,

Eksodusi 11:10

BoMosi na-Aroni babeyenta embikwaFaro yonkhe lemimangaliso, kodvwa Simakadze wayenta yaba lukhuni inhlitiyo yaFaro; abejinge achubeke nekwala kukhulula ema-Israyeli kutsi aphume eGibhithe.

Eksodusi 14:17

Tinhlitiyo temaGibhithe ngitente taba lukhuni kangangekutsi atanilandzela, kodvwa ngitatentela ludvumo ngekuncoba Faro, nemabutfo akhe, lanemahhashi netincola temphi.

Eksodusi 14:4

Ngitakwenta inhlitiyo yaFaro ibe lukhuni, bese uyanicosha, kodvwa ngiyawutentela ludvumo, ngincobe Faro nemabutfo akhe. EmaGibhithe ayawuhlala ati kutsi mine nginguSimakadze.” Ema-Israyeli enta njalo.

Eksodusi 14:8

Simakadze wenta inhlitiyo yaFaro yaba lukhuni. Faro waphuma nemphi yakhe wacosha ema-Israyeli labesaphumile ahamba ngesibindzi.

Eksodusi 4:21

Simakadze wakhuluma kuMosi, watsi: “Nase ubuyele eGibhithe, ucaphele kutsi uyente embikwaFaro yonkhe lemimangaliso lengikunike emandla ekuyenta. Kodvwa ngiyawuyenta ibe lukhuni inhlitiyo yaFaro, ngako angeke asivumele sive sami kutsi sihambe.

Eksodusi 7:13

Inhlitiyo yaFaro yajinge yaba lukhuni, akazange abalalele, njengobe Simakadze abeshito.

Eksodusi 7:3

Kodvwa ngitayenta ibe lukhuni inhlitiyo yaFaro, nome ngingaze ngente tibonakaliso netimangaliso letinyenti la eveni laseGibhithe.

Eksodusi 9:12

Kodvwa Simakadze wenta inhlitiyo yaFaro yaba lukhuni, akazange afune kubalalela; kwaya njengobe Simakadze abetjele Mosi.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 29:10

Simakadze wehlisele etikwenu butfongo lobukhulu: Uwavalile emehlo enu, baphrofethi, utimbonyile tinhloko tenu, baboniswa.

Isaya 53:5

Kodvwa yagwazwa ngenca yetiphambuko tetfu, yafihlitwa ngenca yekona kwetfu, sijeziso saba setikwayo, kuze tsine sibe nekuthula; ngemanceba emivimbo yayo siyaphiliswa tsine.

Isaya 6:10

Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”

Isaya 6:9

Watsi: “Hamba utjele lesive utsi: “ ‘Lalelani njalo, kodvwa ningeva; bukani njalo, kodvwa ningaboni.’

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hezekeli 14:9

“ ‘Nangabe umphrofethi acindzetelekile kutsi aphimisele siphrofetho, ngimi Simakadze lomcindzetele lowo mphrofethi, futsi ngiyakwelula sandla sami ngimelane naye, ngimbhubhise emkhatsini wesive sami, ema-Israyeli.

Hoseya 14:4

“Ngiyawukuphilisa kunhlanhlatsela kwabo, ngibatsandze ngekukhululeka, ngobe intfukutselo yami seyisukile kubo.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Matewu 15:14

Bayekeleni, ngobe ngibo baholi labatimphumphutse; kepha nangabe imphumphutse ihola lenye imphumphutse, totimbili tiyawuwela emgodzini.”

Makho 4:12

kuze kutsi: “ ‘Nome babona, bangakhanyelwa kahle, nome beva, bangacacelwa kahle, bangetiwuphendvuka babuyele kuNkulunkulu, batsetselelwe tono tabo.’ ”

Makho 6:52

Bebangacondzisisi kahle kutsi tinkhwa betichazani, imicondvo yabo yayivalekile.

Lukha 4:18

“UMoya weNkhosi ukimi, ngobe ungigcobile kutsi ngishumayele tindzaba letimnandzi etimphuyeni; ungitfumile kutsi ngimemetele inkhululeko kulabatfunjiwe, nekuvula emehlo etimphumphutseni, nekukhulula labacindzetelekile,

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

Johane 12:39

Ngako-ke abazange bakholwe, ngobe Isaya waphindze watsi:

Johane 9:39

Jesu watsi: “Mine ngitele kwehlulela kulelive, kuze labangaboni babone, nalababonako babe timphumphutse.”

Imisebenti yebaPhostoli 15:3

Endleleni yabo batfunywe libandla, basadzabula eFenisiya naseSamariya babika kutsi betive baphendvukela kanjani kuNkulunkulu; letindzaba taletsa kujabula lokukhulu kubazalwane bonkhe.

Imisebenti yebaPhostoli 28:26

watsi: “ ‘Hamba utsi kulesive: Ngekuva niyakuva ningete nevisisa, ngekubuka niyawubuka ningete nabona,

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

KubaseRoma 9:18

Ngako-ke, unemusa kulowo latsandza kuba nemusa kuye, kodvwa amente abe lukhuni lowo latsandza kumenta abe lukhuni.

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

Joshuwa 11:20

Ngobe kwaba nguSimakadze matfupha lowenta tinhlitiyo talamadolobha taba lukhuni ngekutsi tihlasele ema-Israyeli, entela kutsi atekuwabhubhisa onkhe, aphele ngaphandle kwemusa, njengobe Simakadze abeyale Mosi.