Johane 12:29 - Siswati 1996 Bible

²⁹ Bantfu lababeme lapho baliva lelivi bacabanga batsi: “Belidvuma.” Labanye batsi: “Ingilosi ikhulume kuye.”

Johane 12:29 Referencias Cruzadas

Jobe 40:9

Unawo yini umkhono lofanana newaNkulunkulu? Lona liphimbo lakho liyadvuma yini njengelakhe?

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Eksodusi 20:18

Batsi bantfu nabakuva lokudvuma nekukhala kwelicilongo babona nemibane nentfutfu yembese intsaba, bonkhe bantfu betfuka batfutfumela ngenca yekwesaba, bema bucalu.

Hezekeli 10:5

Umsindvo wetimphiko temakherubhi wawungevakala khashane, ngisho nasesibuyeni sangephandle, njengelivi laNkulunkulu Somandla, nakakhulumako.

Imisebenti yebaPhostoli 9:7

Nalamadvodza labehamba naSawula abesamile, abindze ase dvu; abeliva lelivi, kepha akazange ambone lona labekhuluma.

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 14:2

Ngeva livi liphuma ezulwini lelevakala lifanana nemabhudlo emanti, lifanana nekudvuma lokukhulu. Lelivi lalifanana nekuhlabela kwetingitali tishaywa bashayi bato.

Sembulo 6:1

Ngabona liWundlu licatulula lolunye lwaletimphawu letisikhombisa, ngeva lesinye saletidalwa letine sikhuluma ngelivi lekudvuma sitsi: “Wota!”

Sembulo 8:5

Lengilosi yasitsatsa lesitja yasigcwalisa ngemlilo lowawuselatini, yawujikijela emhlabeni; kwase kuba khona kudvuma, nemavi, nemibane nekutamatama kwemhlaba.