Johane 12:2 - Siswati 1996 Bible

² Base bamentela kudla khona lapho. Mata abephakela kudla, Lazaro angulomunye walababedla naJesu.

Johane 12:2 Referencias Cruzadas

Ingoma Yetingoma 4:16

Vuka, moya wasenyakatfo, ute nawe, moya waseningizimu! Hhusha etikwengadze yami, kuze kutsaphuka kwemakha ayo kwandze kabanti. Longitsandzako akete engadzeni yakhe atewunambitsa titselo tayo telikhetselo.

Matewu 26:6

Watsi Jesu aseseBhetani endlini yaSimoni labenebulephelo,

Makho 14:3

Jesu abeseBhetani, ekhaya kaSimoni lowake waba lilephelo. Watsi Jesu asadla, kwefika umfati aphetse sigujana lesasakhiwe ngelitje lembiza, sigcwele emafutsa langemakha enadi ladule kakhulu. Wasivula lesigujana, watsela lamakha enhloko yaJesu.

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Lukha 14:12

Jesu wase utsi kulona lammemile: “Nawente lidzili, ungabomema tihlobo takho, nome banakenu, nome tinini, nome bomakhelwane bakho labacebile, ngobe nawe bayawukumema, ngalendlela-ke uyawube sewuwutfolile umvuzo waloko kwenta kwakho.

Lukha 22:27

Ngubani lomkhulu, ngulohlalako angene ngekudla yini, nome ngulona lolungisela lomunye kudla? Vele, ngulona lohlalako angene ngekudla. Kodvwa mine ngisemkhatsini wenu njengemuntfu lonilungiselako.

Lukha 5:29

Levi wase wentela Jesu lidzili lelikhulu endlini yakhe, kwaba nebatselisi nebantfu labanyenti lababehleti nabo lapho.

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.