Johane 12:1 - Siswati 1996 Bible

¹ Kwatsi sekusele emalanga lasitfupha kufike lilanga leliPhasika, wefika Jesu eBhetani, lapho bekunaLazaro khona, lona lamvusa kulabafile.

Johane 12:1 Referencias Cruzadas

Matewu 21:17

Jesu waphuma kulelo dolobha wabashiya, waya eBhetani, lapho wefika walala khona.

Makho 11:11

Jesu wangena-ke eJerusalema, wacondza ngekhatsi ethempelini. Watsi kube acedze kubuka konkhe, wase uyengca uya eBhetani ngobe kwase kuhlwile, abehamba kanye nebafundzi bakhe lababeli-12.

Lukha 24:50

Wase uphuma nabo, wabahola, waze wefika eBhetani, waphakamisa tandla takhe, wababusisa.

Lukha 7:37

Kulelo dolobha bekunemfati labephila imphilo lengcolile; wase uyeva kutsi Jesu usadla endlini yemFarisi, ngako weta nemakha agcwele libhodlela lelalakhiwe ngembiza,

Johane 11:1

Bekukhona indvodza lebeyigula, libito layo kunguLazaro. BeyiyaseBhetani, lidolobha lekhaboMariya nadzadzewabo, Mata.

Johane 11:43

Asakushito loko, wamemeta ngelivi lelikhulu watsi: “Lazaro! Phuma!”

Johane 11:44

Umufi waphuma aboshwe tandla netinyawo ngetindvwangu, buso bakhe bumbonywe ngeliduku.

Johane 11:55

Umkhosi wemaJuda weliPhasika bese usedvute. Bantfu labanyenti lababephuma emaphandleni, bakhuphukela eJerusalema, liPhasika lingakacali, bentela kutetihlambulula.

Johane 12:12

Ngelilanga lelilandzelako bantfu labanyenti babete eMkhosini weliPhasika, beva kutsi Jesu uyeta eJerusalema.

Johane 12:20

Bekukhona nemaGriki latsite emkhatsini walabo lababetewudvumisa kulowo mkhosi.

Johane 12:9

Sicumbi lesikhulu semaJuda seva kutsi Jesu abeseBhetani; ngako-ke seta kuye, hhayi ngobe sasifuna kubona Jesu kuphela, kepha sasifuna kubona naLazaro labemvuse kulabafile.