Johane 11:55 - Siswati 1996 Bible

⁵⁵ Umkhosi wemaJuda weliPhasika bese usedvute. Bantfu labanyenti lababephuma emaphandleni, bakhuphukela eJerusalema, liPhasika lingakacali, bentela kutetihlambulula.

Johane 11:55 Referencias Cruzadas

Genesisi 35:2

Ngako-ke Jakobe wakhuluma emndenini wakhe nakubo bonkhe lababekakhe, watsi: “Lahlani tonkhe tithico tebetive leninato, nitihlambulule, nembatse tingubo letihlobile.

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Tihlabelelo 26:6

Yebo, Simakadze, ngigeza tandla tami, ngingenacala, ngihambahamba ngaselatini lakho,

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Numeri 9:10

“Tjela ema-Israyeli utsi: ‘Nangabe lomunye wenu nome wetitukulwane tenu angcole ngenca yekutsintsa sidvumbu nome aseluhambeni khashane, kodvwa noko angaligubha lelo Phasika laSimakadze.

Numeri 9:6

Noko labanye babo abazange bawugubhe lomkhosi, ngobe babengcolile ngekwemtsetfo, ngekutsi babetsintse sidvumbu. Ngako beta kuMosi na-Aroni ngalo lelo langa bafike

Matewu 26:1

Jesu watsi kube acedze kufundzisa, watsi kubafundzi bakhe:

Matewu 26:2

“Njengobe nati kutsi sekusele emalanga lamabili kutsi kube nguMkhosi weliPhasika, iNdvodzana yeMuntfu itawunikelwa kuze ibetselwe esiphambanweni.”

Makho 14:1

Bese kusele emalanga lamabili kube nguMkhosi weliPhasika, kudliwe sinkhwa lesite imbiliso. Baphristi labakhulu netati temtsetfo tatifuna lisu lekubamba Jesu ngebucili, timbulale.

Lukha 22:1

Sikhatsi seMkhosi Wesinkhwa Lesingenambiliso, lokutsiwa liPhasika, sasesimadvutane.

Johane 12:1

Kwatsi sekusele emalanga lasitfupha kufike lilanga leliPhasika, wefika Jesu eBhetani, lapho bekunaLazaro khona, lona lamvusa kulabafile.

Johane 13:1

Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Johane 2:13

Besekusondzele sikhatsi seMkhosi weliPhasika lemaJuda, ngako Jesu wakhuphukela eJerusalema.

Johane 2:6

Bekunetimbita tematje letatisitfupha khona lapho, tihlelenjiswe kahle, ngelisiko lekugeza kwemaJuda. Leyo naleyo mbita beyingagcwatjiswa ngemalitha labengacishe abe likhulu.

Johane 5:1

Emvakwaloko kwaba khona umkhosi wemaJuda, naJesu wakhuphukela eJerusalema.

Johane 6:4

UMkhosi wemaJuda weliPhasika bese usedvute.

Imisebenti yebaPhostoli 21:24

Hamba nalamadvodza utihlanganise nawo nitihlambulule ngekwelisiko, bese uwakhokhela tindleko tawo; atawube asahhula tinwele tetinhloko tawo. Ngekwenta njalo-ke bonkhe bantfu batakwati kutsi kute liciniso kuto tonkhe letintfo labatjelwe tona ngawe, kepha batakwati kutsi nawe uhamba ngawo umtsetfo waMosi.

Imisebenti yebaPhostoli 21:26

Pawula wase utsatsa lamadvodza kwatsi ngakusasa bahlanjululwa, wase uya ethempelini wayawubatjela kutsi lokutihlambulula kutaba sikhatsi lesinganani, bese kwentiwa umnikelo walowo nalowo kubo.

Imisebenti yebaPhostoli 24:18

Bangikhandza ethempelini sengihlanjululiwe. Kwakungekho sicumbi sebantfu, kungekho nasiphitsiphitsi.

1 kubaseKorinthe 11:28

Kodvwa umuntfu akatihlolisise yena, emvakwaloko-ke adle lesinkhwa anatse kulendzebe.

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.

1 Samuweli 16:5

Samuweli waphendvula watsi: “Yebo, ngite ngesihle; ngitekwenta umhlatjelo kuSimakadze. Tingcweliseni, bese nita emhlatjelweni kanye nami.” Ngako wase ungcwelisa boJese kanye nemadvodzana akhe wabamemela emhlatjelweni.