Johane 11:11 - Siswati 1996 Bible

¹¹ Emvakwekusho njalo Jesu wachubeka watsi kubo: “Lazaro, sihlobo setfu, sewulele, kodvwa ngitakuya ngiyemvusa.”

Johane 11:11 Referencias Cruzadas

2 Emakhosi 4:31

Gehazi wahamba embili, wafike wabeka lendvuku etikwebuso balomfana, kodvwa kwabate umsindvo nome ingucuko. Ngako Gehazi wase uyancandzeka uhlangabeta Elisha, wafike wamtjela, watsi: “Lomfana akavuki.”

2 Tikhronike 20:7

Awu, Nkulunkulu wetfu, awuzange yini uticoshe letive letatihlala kulendzawo sive sakho ema-Israyeli sisengakefiki, wase uyinika situkulwane sa-Abrahama, umngani wakho, ibe yaso kuze kube phakadze.

Eksodusi 33:11

Simakadze abekhuluma naMosi buso nebuso, njengemuntfu akhuluma nemngani wakhe. Mosi nasabuyele enkambu, lelibhungu lelalingumsiti wakhe, lelalinguJoshuwa, umsa waNuni, lalisala lingesuki kulelithende lekuhlangana.

Isaya 41:8

“Kodvwa wena, Israyeli, nceku yami, Jakobe, wena lengikukhetsile, wena situkulwane sa-Abrahama umngani wami,

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Matewu 27:52

emathuna avuleka, bantfu labanyenti baNkulunkulu labebafile bavuswa ekufeni.

Matewu 9:24

watsi: “Phumani nonkhe; lesidzandzane asikafi, silele.” Bamane bamhleka bulima nje.

Makho 5:39

Watsi kube angene, watsi kubo: “Nikhalelani, nidzindza sililo nje? Lomntfwana akafi, ulele.”

Johane 11:10

Kepha nakahamba ebusuku, uyakhutjwa, ngobe kute kukhanya kuye.”

Johane 11:12

Bafundzi bamphendvula batsi: “Nkhosi, nangabe ulele, utawusindza.”

Johane 11:13

Kepha Jesu abesho kutsi Lazaro sewufile; bona-ke bacabanga kutsi ulele butfongo.

Johane 11:3

Bodzadzewabo base batfumela umlayeto kuJesu batsi: “Nkhosi, umngani wakho lomtsandzako uyagula.”

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

Imisebenti yebaPhostoli 7:60

Waguca phansi wamemeta ngelivi lelikhulu watsi: “Nkhosi! Ungababekeli sono ngaloku labakwentako!” Wase uyafa.

1 kubaseKorinthe 15:18

nalabo lasebafa bakuKhristu nabo babhubha.

1 kubaseKorinthe 15:34

Sangulukani; ningaphindzi none, ngobe labanye abamati Nkulunkulu. Ngikusho loko khona nitewuba nemahloni.

1 kubaseKorinthe 15:51

Lalelani, nginitjele imfihlakalo: Asite safa sonkhe, noko siyawuguculwa sonkhe

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

1 kubaseThesalonika 5:10

lowasifela kuze kutsi, nome silindza nome silala, nakabuya, siphile kanye naye.

YaJakobe 2:23

Ngako kwagcwaliseka umBhalo lotsi: “Abrahama wakholwa Nkulunkulu; ngenca yekukholwa kwakhe Nkulunkulu wamemukela njengemuntfu lolungile,” wase ubitwa ngekutsi: “Ungumngani waNkulunkulu.”