Johane 10:6 - Siswati 1996 Bible

⁶ Jesu wabatjela lomfanekiso, kodvwa bona abazange beve kahle kutsi kuyini loku labekukhuluma kubo.

Johane 10:6 Referencias Cruzadas

Tihlabelelo 106:7

Ngesikhatsi bokhokho baseseGibhithe abazange bacaphele timangaliso takho, futsi abazange bakhumbule bunyenti betento takho temusa, kodvwa bakuhlubuka ngaseLwandle Lolubovu.

Tihlabelelo 82:5

“Abati lutfo, abacondzi lutfo, badvukuta ebumnyameni; tonkhe tisekelo temhlaba tiyatanyatanyiswa.

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Danyela 12:10

Labanyenti bayawuhlanjululwa babe msulwa, bacengisiswe kahle bangabi nasici, kodvwa lababi bayawuchubeka babe babi kakhulu. Kute namunye walababi loyawukuvisisa, kodvwa laba labahlakaniphile bayawukuvisisa kahle.

Matewu 13:34

Konkhe loku Jesu wakukhuluma esicukwini ngemifanekiso. Ngaphandle kwemifanekiso kute lakukhuluma kuso,

Matewu 13:51

Jesu wababuta watsi: “Nikuve kahle yini konkhe loku?” Baphendvula batsi: “Yebo, sikuvile.”

Makho 4:34

Abengakhulumi lutfo angasebentisi imifanekiso, kantsi nase babodvwana nebafundzi bakhe, bona abebachazela konkhe.

Johane 16:25

“Tonkhe letintfo senginitjele ngemifanekiso. Siyeta sikhatsi lapho ngingaseyiwukhuluma kini ngemifanekiso, kodvwa ngiyawuvele nginitjele ngaBabe ngalokukhanyako.

Johane 16:29

Bafundzi bakhe batsi kuye: “Buka-ke manje, ngukhona ukhuluma kahle, sekuyacaca nje ngaphandle kwekukhuluma ngemifanekiso!

Johane 6:52

EmaJuda aphikisana odvwana atsi: “Kodvwa lomuntfu angasinika kanjani inyama yakhe, kutsi siyidle?”

Johane 6:60

Linyenti lebafundzi bakhe lelayiva lenkhulumo latsi: “Ilukhuni-ke lemfundziso. Ngubani nje longayiva?”

Johane 7:36

Nkhulumo yini yona lena? Usho kutsini nakatsi: ‘Niyawungifuna ningete nangitfola;’ nalokutsi: ‘Lapho ngikhona, nine ningeke nikhone kuta’?”

Johane 8:27

Babengacondzisisi kahle kutsi ukhuluma kubo ngeYise.

Johane 8:43

Nentiwa yini kutsi ningete nayivisisa lenkhulumo yami? Kungobe niyehluleka kuliva livi lami.

1 kubaseKorinthe 2:14

Umuntfu wemvelo akakwemukeli lokukwaMoya, ngobe kubulima kuye, futsi angeke akuve, ngobe kuphenyisiswa ngaMoya.

2 yaPhetro 2:22

Kubehlele njengobe saga lesicinisile sitsi: “Inja seyibuyele emahlanteni ayo,” nekutsi: “Ingulube igezwe cedze yabuyela yayawubhocota eludzakeni.”

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.