Johane 10:28 - Siswati 1996 Bible

²⁸ Ngitinika kuphila lokuphakadze, futsi tingeke tisabhubha naphakadze, kute nalongatihlwitsa esandleni sami.

Johane 10:28 Referencias Cruzadas

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Tihlabelelo 31:5

Nginikela umoya wami esandleni sakho, ungihlengile wena Simakadze; unguNkulunkulu lowetsembekile.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Taga 24:16

ngobe nome lolungile angawa emahlandla lasikhombisa, noko uyawuvuka; kodvwa lababi bayawubhubha.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Isaya 27:3

Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Jeremiya 23:4

Ngiyawubeka etikwawo belusi labayakuwunakekela, ungeke uphindze wesabe nome wetfuswe lutfo, futsi kute nayinye leyawulahleka,” kusho Simakadze.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Jeremiya 32:40

Ngiyakwenta nabo sivumelwane saphakadze: Ngingeke ngiyekele kwenta lokuhle kubo, nabo ngibafake umoya wekungesaba, khona bangeyiwuphindze bahlubuke kimi.

Makho 13:22

Bokhristu bemanga nebaphrofethimbumbulu batawuvela bakhombise tibonakaliso netimangaliso kuze kwedukiswe nalabakhetsiwe, nakunekwenteka.

Lukha 23:46

Jesu wakhala ngelivi lelikhulu watsi: “Babe! Ngibeka umoya wami etandleni takho!” Wakusho loko wase uyafa.

Johane 10:29

Babe longinike tona mkhulu kunabo bonkhe; kute longatitsatsa esandleni saBabe.

Johane 11:25

Jesu watsi kuye: “Mine ngikuvuka nekuphila, lokholwa ngimi, nome angafa, uyawuphila.

Johane 14:19

Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.

Johane 17:2

Ngobe uyiphe emandla ngetulu kwabo bonkhe bantfu, kuze itebapha kuphila lokuphakadze bonkhe labo loyiphe bona.

Johane 18:9

Loku wakusho kuze kutewugcwaliseka livi labesalikhulumile kuYise lekutsi: “Babe, kute ngisho namunye lowalahleka kulaba lowangipha bona.”

Johane 3:36

Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Johane 6:37

“Konkhe langipha kona Babe kutawuta kimi; lotako kimi, angeke ngimlahlele ngephandle.

Johane 6:47

Ngicinisile, ngicinisile, ngitsi kini: Lowo lokholwako, unekuphila lokuphakadze.

Johane 6:68

Simoni Phetro wamphendvula watsi: “Nkhosi, singasuka kuwe siyephi? Ngobe emavi ekuphila lokuphakadze akuwe.

Imisebenti yebaPhostoli 7:59

Basachubeka bamgcoba ngematje Stefano, wakhala ngelivi lelikhulu watsi: “Nkhosi Jesu, yemukela umoya wami.”

KubaseRoma 5:17

Nangabe ngesono semuntfu munye kufa kwacala kubusa ngaye, kakhulu kanganani-ke labo labemukela umusa lochichimako nesipho sekulunga bayawubusa ekuphileni ngemuntfu munye longuJesu Khristu.

KubaseRoma 5:2

Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

KubaseRoma 5:21

Ngako-ke, njengobe sono sabusa kwaba kufa, ngalokufananako kubusa kwemusa kwaba kulunga lokusiholela ekuphileni kwaphakadze ngaJesu Khristu iNkhosi yetfu.

KubaseRoma 5:9

Sesentiwe ngengati yaJesu semukeleka kuNkulunkulu kutsi silungile, ngetulu kwaloko siyawusindziswa ngaye elulakeni lwaNkulunkulu.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

KubaseRoma 8:1

Sekute kulahlwa kulabo labakuKhristu Jesu.

KubaseRoma 8:29

Ngobe labo labatinchanti Nkulunkulu wabakhetsanchanti kutsi babe nesimo seNdvodzana yakhe kuze yona itewuba litubulo kubazalwane labanyenti.

Dutheronomi 33:3

Ngempela nguwe lotsandza lesive; bonkhe labangcwele basesandleni sakho. Bakhotsama etinyaweni takho bonkhe. Kuwe bemukela tifundvo,

KubaseFiliphi 1:6

Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

2 kubaseThesalonika 2:13

Kodvwa tsine simelwe kutsi sibonge Nkulunkulu njalo ngani, bazalwane labatsandvwe yiNkhosi, ngobe Nkulunkulu wanikhetsela kutsi nibe bekucala ensindzisweni ngekuhlantwa nguMoya, nangekukholwa liciniso.

1 kuThimothi 1:16

Kodvwa ngahawukelwa ngaso lesizatfu sekutsi kimi lengisembili, Jesu Khristu abonakalise konkhe kubeketela kwakhe, kube sibonelo kulabo labayawukholwa kuye, badzimate babe nekuphila lokuphakadze.

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.

1 yaJohane 1:2

Yena lowo Sokuphila wabonakaliswa kitsi, sambona, sifakaza ngaye, simemetela kini Sokuphila waphakadze. Nguye labeneYise; wabe sewubonakaliswa kitsi.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

1 yaJohane 2:25

Nguleso-ke setsembiso Khristu lasinika sona: kuphila lokuphakadze.

1 yaJohane 5:11

Bufakazi ngulobu kutsi Nkulunkulu wasinika kuphila lokuphakadze, nalokuphila kuseNdvodzaneni yakhe.

YaJuda 1:1

Lencwadzi iphuma kumnakaboJakobe longuJuda, sisebenti saJesu Khristu. Iya kulabo lababitwe nalabatsandvwe nguNkulunkulu longuBabe, labalondvolotelwe Jesu Khristu.

YaJuda 1:21

Tigcineni elutsandvweni lwaNkulunkulu ngesikhatsi nisalindzele iNkhosi yetfu Jesu Khristu, kutsi ngemusa wayo ininike kuphila lokuphakadze.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.