Johane 10:10 - Siswati 1996 Bible

¹⁰ Lisela litela kweba, nekubulala, nekubhubhisa. Mine ngitele kwekutsi bantfu babe nekuphila; babe nako kuphuphume.

Johane 10:10 Referencias Cruzadas

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Matewu 18:10

“Caphelani ningedzeleli ngisho namunye kulaba labancane; ngobe ngitsi kini: Tingilosi tabo ezulwini tibubona njalo buso baBabe losezulwini. [

Matewu 18:11

“Ngobe iNdvodzana yeMuntfu itele kusindzisa lokulahlekile.]

Matewu 20:28

Njengobe neNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe yinhlawulo yalabanyenti.”

Matewu 21:13

Watsi kubo: “Kubhaliwe kutsi: ‘Indlu yami iyawubitwa ngekutsi yindlu yekuthandaza,’ kepha nine seniyente umgedze wetigelekece.”

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Makho 11:17

Wabafundzisa watsi: “Akashongo yini Nkulunkulu emBhalweni wakhe watsi: ‘Indlu yami iyawubitwa ngekutsi yindlu lapho kuthandaza khona tonkhe tive’? Kodvwa nine seniyigucule yaba ngumhume wabosidlani!”

Lukha 19:10

Phela, iNdvodzana yeMuntfu itewufuna nekusindzisa lokulahlekile.”

Johane 10:1

“Ngicinisile, ngicinisile, ngitsi kini: Longangeni ngelisango esibayeni setimvu kodvwa asuke afohle, ekhwele kulenye indzawo, ulisela nemphangi.

Johane 10:11

“Mine ngingumelusi lolungile. Umelusi lolungile udzela kuphila kwakhe ngenca yetimvu.

Johane 12:47

Umuntfu nakaweva emavi ami kepha angete awenta, angimehluleli; ngobe angiketeli kutakwehlulela live, kodvwa ngitele kutewulisindzisa.

Johane 12:6

Abesho loku, hhayi ngobe abevelana netimphuya kodvwa ngobe abelisela, angumgcinisikhwama, eba loko bekufakwa esikhwameni.

Johane 3:17

Ngobe Nkulunkulu akazange atfumele iNdvodzana yakhe emhlabeni kutsi itewulahla live ngelicala, kodvwa kwekutsi live litewusindziswa ngayo.

Johane 5:40

Kepha anivumi kuta kimi kuze phela nitewuba nekuphila.

Johane 6:33

Ngobe sinkhwa laphana ngaso Nkulunkulu nguleso lesehla siphuma ezulwini, lesiletsa kuphila emhlabeni.”

Johane 6:51

Mine ngisinkhwa lesinekuphila lesehla ezulwini, umuntfu nakadla lesinkhwa uyawuphila ingunaphakadze. Futsi-ke lesinkhwa, lengitasinikelela kuphila kwelive, siyinyama yami.”

KubaseRoma 2:21

Pho, njengobe ufundzisa labanye, wena awutifundzisi ngani? Wena ushumayela kutsi kungebiwa, pho, wena ubelani?

1 kuThimothi 1:15

Letsembekile, futsi lifanele kwemukelwa ngibo bonkhe lelivi lelitsi: Khristu Jesu weta emhlabeni kutawusindzisa toni, mine lengingulesikhulu kunato tonkhe.

KumaHebheru 6:17

Kulabo labebafanele kwemukela loko kwakutsenjisiwe, Nkulunkulu watimisela kukukhanyisa kahle kutsi yena ngeke ayigucule injongo yakhe, ngiko nje acinisa tetsembiso takhe ngekufunga.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

2 yaPhetro 1:11

kodvwa niyawunikwa lilungelo leliphelele lekungena embusweni waphakadze weNkhosi neMsindzisi wetfu Jesu Khristu.