Johane 1:38 - Siswati 1996 Bible

³⁸ Jesu watsi uyagucuka wababona bamlandzela, wababuta watsi: “Nifunani?” Bamphendvula batsi: “Rabi” (lokusho kutsi: “Mfundzisi”), “uhlalaphi?”

Johane 1:38 Referencias Cruzadas

1 Emakhosi 10:8

Maye, bayajabula labantfu bakakho! Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho.

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

Taga 3:18

Kusihlahla sekuphila kulabakuphutfumako; labo labakubamba bakunkonkoshele ngulabo labajabulako.

Taga 8:34

Ubusisiwe umuntfu longilalelako, longilindzela onkhe malanga emasangweni ami, logadza etimphundvwini teminyango yami.

Sililo 5:19

Awu, wena Simakadze, uyabusa kuze kube phakadze. Sihlalo sakho sebukhosi sihlala sicinile titukulwane ngetitukulwane.

Lukha 10:39

Abenadzadzewabo labenguMariya lowafike wahlala phansi ngasetinyaweni teNkhosi alalela kufundzisa kwayo.

Lukha 14:25

Ticumbi letinkhulu tebantfu betihamba naJesu. Wagucukela kuto watsi:

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

Lukha 19:5

Watsi kube efike lapho Jesu, wase ubuka etulu watsi kuye: “Zakewu, shesha wehle, ngobe kufanele ngiyewungenisa endlini yakho lamuhla.”

Lukha 22:61

INkhosi yagucuka yabuka Phetro, naPhetro wase uyawakhumbula emavi eNkhosi nayitsi: “Lamuhla lichudze lingakakhali, utabe sewushito katsatfu kutsi awungati.”

Lukha 8:38

Lendvodza lekwakukhishwe kuyo emadimoni yancusa Jesu yatsi: “Ngicela ngisale sengihamba nawe.” Kodvwa Jesu wamhambisa watsi:

Johane 1:37

Bafundzi lababili labamuva nakakhulumako, besuka balandzela Jesu.

Johane 1:39

Wabaphendvula watsi: “Wotani nitewubona.” Ngako-ke base bayeta, bafike babona lapho abehlala khona. Bahlala naye ngalelo langa, kwakungaba li-awa lesine ntsambama.

Johane 1:49

Nathanayeli waphendvula watsi: “Mfundzisi, wena uyiNdvodzana yaNkulunkulu, uyiNkhosi yaka-Israyeli!”

Johane 12:21

Wona-ke aya kuFiliphu waseBhethsayida laseGalile, afike atsi kuye: “Nkhosi, sicela kubona Jesu.”

Johane 18:4

Ngako Jesu, akwati konkhe lokwakutamehlela, wasondzela embikwabo watsi: “Nifuna bani?”

Johane 18:7

Jesu waphindza wababuta watsi: “Kantsi nifuna bani?” Bamphendvula batsi: “Jesu waseNazaretha.”

Johane 3:2

Weta kuJesu ngalobunye busuku, wefike watsi: “Mfundzisi, siyati kutsi wena ungumfundzisi lophuma kuNkulunkulu. Ngobe kute umuntfu longenta timangaliso letingaka, nakate Nkulunkulu.”

Johane 3:26

Ngako-ke base beta kuJohane, befika batsi: “Mfundzisi, uyayikhumbula yini lendvodza bewunayo uyifakazela ngesheya kweJordane? Seyiyabhabhatisa nyalo, bonkhe bantfu sebaya kuyo!”

Johane 4:31

Bafundzi bakhe base bayamncenga batsi: “Mfundzisi, asewudle phela.”

Johane 6:25

Batsi kube bamtfole asangesheya kwelwandle, batsi kuye: “Mfundzisi, ufike nini lapha?”

Imisebenti yebaPhostoli 10:21

Ngako Phetro wehla waya kulamadvodza wafike watsi: “Ngimi lona lenimfunako. Ningifunelani?”

Imisebenti yebaPhostoli 10:29

Ngako-ke njengobe utfumele kimi, ngivele ngeta ngaphandle kwekungatsita. Sengiyabuta-ke, manje, ungibiteleni?”

Ruthe 1:16

Ruthe waphendvula watsi: “Ngicela kutsi ungangincengi kutsi ngikushiye. Ngiyekele, ngihambe nawe. Lapho uya khona, nami ngitakuya khona; lapho uyawuhlala khona, nami ngiyawuhlala khona. Sive sakini, kuyawuba sive sami; naNkulunkulu wakho kube nguNkulunkulu wami.