Johane 1:19 - Siswati 1996 Bible

¹⁹ Lobu bufakazi baJohane mhlazana emaJuda atfumela baphristi nebaLevi, baphuma eJerusalema kutembuta batsi: “Wena ungubani?”

Johane 1:19 Referencias Cruzadas

Johane 1:7

Lowo abetele bufakazi, atewufakaza ngaloko kukhanya, kutsi ngaye bonkhe bantfu bakholwe.

Johane 10:24

Ase ayamkaka emaJuda atsi: “Kutawudzimate kube ngunini solomane usibambelela wena, ulibatisa tinhlitiyo tetfu? Nangabe unguKhristu sitjele ngalokuvakalako.”

Johane 10:31

EmaJuda aphindza atsatsa ematje afuna kumgcoba ngawo.

Johane 11:19

EmaJuda lamanyenti abesetile kutawulilela boMata naMariya ngalokufa kwemnakabo.

Johane 2:18

Ngako-ke emaJuda ambuta atsi: “Usikhombisa sibonakaliso sini-ke nawenta nje?”

Johane 2:20

Ngako bambuta batsi: “Utsi utalakha ngemalanga lamatsatfu? Utsi uyati nje kutsi latsatsa iminyaka lengema-46 lakhiwa lelithempeli?”

Johane 5:10

Ngako emaJuda atjela lendvodza lebeyiphilisiwe atsi: “Phela lamuhla liSabatha, awukavumeleki kwetfwala lelicansi.”

Johane 5:15

Lendvodza yesuka lapho, yahamba yayawutjela emaJuda kutsi nguJesu lona labeyiphilisile.

Johane 5:16

Ngaloko-ke emaJuda amtingela Jesu, ngobe loko abekwente ngeliSabatha.

Johane 5:18

Kwaba shangatsi uwabangile emaJuda ngaloko kusho njalo kwakhe, afuna kumbulala kakhulu kunakucala, ngobe abengakephuli liSabatha kuphela, kodvwa waphindze watsi Nkulunkulu nguYise, watenta lolingana naNkulunkulu.

Johane 6:41

EmaJuda ase acala kukhonona ngaye, ngobe phela abetsite: “Mine ngisinkhwa lesehla ezulwini.”

Johane 6:52

EmaJuda aphikisana odvwana atsi: “Kodvwa lomuntfu angasinika kanjani inyama yakhe, kutsi siyidle?”

Johane 7:1

Emvakwaloko Jesu walihambahamba laseGalile; akatsandzanga kuya eJudiya, ngobe emaJuda abefuna kumbulala.

Johane 7:11

EmaJuda wona abetingelana naJesu lapha kulomkhosi, abutana odvwa atsi: “Uphi-ke yena?”

Johane 7:15

EmaJuda amangala kakhulu, adzimate atsi: “Kodvwa lomuntfu lolwati lolungaka ulutsatsaphi, angazange asalufundzele nje?”

Johane 8:22

Ngako emaJuda ase atsi: “Kungabe utatibulala yini, ngobe naku utsi: ‘Lapho ngiya khona mine, nine ningeke nikhone kuya’?”

Johane 8:48

EmaJuda amphendvula atsi: “Sicala emanga yini, nasitsi ungumSamariya, nekutsi unelidimoni?”

Johane 8:52

EmaJuda atsi kuye: “Cha, sesibonile ngempela kutsi unelidimoni. Abrahama wafa, nebaphrofethi futsi bafa. Kepha wena utsi: ‘Lowo lowenta livi lami, angeke afe.’

Johane 8:57

EmaJuda ase atsi kuye: “Usete neminyaka lengema-50 budzala, kepha sewusitjela kutsi sewubonane na-Abrahama?”

Imisebenti yebaPhostoli 13:25

Johane nasatawucedza umsebenti wakhe, watsi kubantfu: ‘Nicabanga kutsi ngingubani mine? Angisiye lona lenimlindzele. Kepha bukani la! Yena uta emvakwami, mine angikafaneli ngisho kumkhumula ticatfulo takhe etinyaweni.’

Imisebenti yebaPhostoli 19:4

Pawula watsi: “Phela Johane abebhabhatisa bantfu lababephendvuka, abatjela kutsi abakholwe ngulowo labetawufika emvakwakhe, longuJesu.”

Dutheronomi 24:8

“Naniguliswa sifo lesisabulephelo, nibocaphela kutsi nenta njengobe baphristi, labangemaLevi, baniyala. Nibokulandzela nikucaphelisise konkhe loko lengibayale ngako kutsi bakwente.

1 yaJohane 1:5

Lona ngumlayeto lesawutsatsa emlonyeni wakhe, simemetela wona kini kutsi Nkulunkulu ukukhanya, bumnyama kute kuye.