Johane 1:17 - Siswati 1996 Bible

¹⁷ Umtsetfo waniketwa ngaMosi; umusa neliciniso kwavela ngaJesu Khristu.

Johane 1:17 Referencias Cruzadas

Genesisi 22:18

Tive tonkhe temhlaba tiyawubusiswa ngetitukulwane takho, ngobe ulalele livi lami.’ ”

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Tihlabelelo 85:10

bese kuhlangabetana umusa neliciniso, kwangane kulunga nekuthula.

Tihlabelelo 98:3

Uwukhumbulile umusa wakhe nekwetsembeka kwakhe kubaka-Israyeli. Imikhawulo yonkhe yemhlaba iyibonile insindziso yaNkulunkulu.

Mikha 7:20

Kwetsembeka nemusa wakho utakukhombisa sive sakho lekutitukulwane ta-Abrahama naJakobe, njengobe wetsembisa ngekufunga kubokhokho betfu endvulo.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 5:45

“Ningacabangi-ke kutsi ngitanimangalela kuBabe. Ukhona lonimangalelako, yena loMosi lenetsembele kuye.

Johane 7:19

Mosi akaninikanga yini umtsetfo? Kodvwa kute namunye emkhatsini wenu lowulalelako lowo mtsetfo. Nentiwa yini lokutsi nifune kungibulala?”

Johane 8:32

niyawulati liciniso, neliciniso liyawunikhulula.”

Johane 9:29

Siyati kutsi Nkulunkulu wakhuluma kuMosi, kepha lona asimati nekutsi uphumaphi.”

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.

Imisebenti yebaPhostoli 7:38

“Nguye labehlangene nebantfu baka-Israyeli ehlane; abelapho nabokhokho betfu kanye nengilosi leyakhuluma kuye eNtsabeni yaseSinayi; wemukela emavi laphilako aNkulunkulu kuze awendlulisele kitsi.

KubaseRoma 6:14

Sono akusafanele sibuse etikwenu, ngobe anisaphili ngaphansi kwemtsetfo, kodvwa niphila ngaphansi kwemusa.

2 kubaseKorinthe 1:20

Kuto tonkhe tetsembiso takhe Nkulunkulu utsi: “Yebo” kuyo. Kungako nje-ke sidvumisa Nkulunkulu sitsi: “Amen,” ngaJesu Khristu.

KubaseGalathiya 3:17

Ngisho kutsi-ke: Lomtsetfo lowase uyefika emvakweminyaka lengema-430, awusephuli lesivumelwane lesasentiwe nguNkulunkulu, futsi ungeke usicitse lesetsembiso.

Dutheronomi 33:4

umtsetfo lesawunikwa nguMosi, lifa lesive sakaJakobe.

Dutheronomi 4:44

Lona ngumtsetfo Mosi lawetfula embikwesive sema-Israyeli.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

KumaHebheru 9:22

Empeleni, ngekwemtsetfo cishe konkhe kuhlanjululwa ngengati; ngaphandle kwekucitfwa kwengati kute kutsetselelwa kwetono.