Johane 1:1 - Siswati 1996 Bible

¹ Ekucaleni kungakadalwa lutfo, abevele akhona Livi. Livi abekuNkulunkulu, Livi abenguNkulunkulu.

Johane 1:1 Referencias Cruzadas

Genesisi 1:1

Ekucaleni Nkulunkulu wadala lizulu nemhlaba.

Tihlabelelo 45:6

Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Lukha 24:53

sonkhe sikhatsi basicitsa ethempelini babonga Nkulunkulu.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 1:2

Yena lowo labekhonanchanti, abenaNkulunkulu.

Johane 16:28

Ngaphuma kuBabe ngeta emhlabeni; manje sengiyawushiya futsi lomhlaba, sengibuyela kuBabe.”

Johane 17:5

Manje-ke, Babe, ngikhatimulise kuwe ngaleyo nkhatimulo lenganginayo ngisenawe, umhlaba ungakasekelwa.

Johane 20:28

Tomase waphendvula watsi: “Nkhosi yami, Nkulunkulu wami!”

Johane 8:58

Jesu watsi kubo: “Ngicinisile, ngicinisile, ngitsi kini: Asengakabikho Abrahama, solo ngikhona mine.”

KubaseRoma 9:5

Wona angumliba wabokhokho, lapho kwavela khona Khristu waba ngumuntfu, yena longuNkulunkulu, Losetikwako Konkhe, akadvunyiswe phakadze naphakadze. Amen.

Kubase-Efesu 3:9

Ngaphiwa nekutsi ngibakhanyisele bonkhe bantfu kutsi lisebenta njani lisu lemfihlakalo, lebeyifihlakele kwaphakadze kuNkulunkulu lowadala tintfo tonkhe,

KubaseFiliphi 2:6

lowatsi anesimo saNkulunkulu, wangete washo kutsi kulingana naNkulunkulu kuyintfo yekunkonkoshelwa.

KubaseKholose 1:15

INdvodzana ingumfanekiso waNkulunkulu longabonwa ngemehlo enyama, futsi ngiyo yematubulo ayo yonkhe indalo.

KubaseKholose 1:17

Yona ikhonanchanti kwako konkhe, tonkhe tintfo time ngayo.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 13:8

Jesu Khristu akagucuki; nguye itolo, nalamuhla, naphakadze.

KumaHebheru 7:3

LoMelkhisedeki kute umlandvo lowatiwako ngeyise nome ngenina nome ngabokhokho bakhe, kute lokwatiwako ngekutalwa nangekufa kwakhe; kodvwa ufanana neNdvodzana yaNkulunkulu ngekutsi ungumphristi loyawuhlala akhona phakadze naphakadze.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

1 yaJohane 5:7

Ngobe batsatfu labafakazako:

Sembulo 1:11

litsi: “Bhala encwadzini loko lokubonako, bese uyitfumela emabandleni lasikhombisa: lase-Efesu, nelaseSmuna, nelasePhegamu, nelaseThiyathira, nelaseSadesi, nelaseFiladelfiya, nelaseLawodisiya.”

Sembulo 1:17

Ngatsi kube ngimbone, ngawa ngasetinyaweni takhe, ngadzimate ngaba njengemuntfu lofile. Wangibamba ngesandla sakhe sangesekudla watsi: “Ungesabi, mine ngiwekucala newekugcina,

Sembulo 1:2

Nguye futsi lowabhala lelivi laNkulunkulu, afakazela Jesu Khristu ngako konkhe labekubona.

Sembulo 1:8

“Mine ngingu-Alfa na-Omega,” kusho iNkhosi, Nkulunkulu, Somandla lokhona, nalabekhona, nalotako.

Sembulo 19:13

Abembetse ingubo leyayenyiwe engatini. Libito lakhe nguLivi laNkulunkulu.

Sembulo 2:8

“Bhalela ingilosi yelibandla laseSmuna utsi: “ ‘Nali livi leliphuma kuye lokucala nekugcina, lowafa wabuye waphila, utsi:

Sembulo 21:6

Wase utsi kimi: “Sekwentekile. Mine ngingu-Alfa na-Omega, sicalo nesiphetfo. Lowo lowomile ngiyawumnika lilungelo lekunatsa mahhala emtfonjeni wemanti ekuphila.

Sembulo 22:13

Ngingu-Alfa na-Omega, wekucala newekugcina, sicalo nesiphetfo.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi: