Jobe 9:10 - Siswati 1996 Bible

¹⁰ Wenta tigemegeme letingaphenyeki, netimangaliso letingeke setibalwe ngumuntfu.

Jobe 9:10 Referencias Cruzadas

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 37:5

Liphimbo laNkulunkulu libhavumula ngetindlela letimangalisako. Wenta tintfo letinyenti letinkhulu naletingetulu kwetingcondvo tetfu.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Tihlabelelo 136:4

Nguye yedvwa lowenta timangaliso letinkhulu, ngobe umusa wakhe ume kuze kube phakadze.

Tihlabelelo 145:3

Mkhulu Simakadze, ufanele kudvunyiswa kakhulu, bukhulu bakhe abuphenyisiseki.

Tihlabelelo 71:15

Umlomo wami uyawulandza ngekulunga kwakho, uvakalise insindziso yakho onkhe emalanga, ngobe yinyenti ngehluleka nekuyikala.

Tihlabelelo 72:18

Akabongwe Simakadze, Nkulunkulu, nguye longuNkulunkulu wema-Israyeli, nguye yedvwa lowenta timangaliso.

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Umshumayeli 3:11

Konkhe ukwente kwalungela sikhatsi sako. Uphindze wabeka liphakadze etinhlitiyweni tebantfu; noko abakhoni kuyicondza imisebenti yaNkulunkulu kusukela ekucaleni kwayo kuze kube ngusekugcineni.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

Kubase-Efesu 3:20

Kuye lonemandla ekwenta lokukhulu kakhulu kunako konkhe lesikucelako nome lesikucabangako, ngekwemandla lasebenta kitsi,