Jobe 8:6 - Siswati 1996 Bible

⁶ futsi nangabe wena umsulwa ungcwele, ngisho nanyalo angasukuma yena akumele, akubuyisele endzaweni yakho lefanele wena.

Jobe 8:6 Referencias Cruzadas

Jobe 1:8

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi.”

Jobe 11:14

nawulahla sono lesisesandleni sakho, ungavumi nekutsi bubi buhlale ekhaya lakho,

Jobe 16:17

Kodvwa noko tandla tami timsulwa ekulweni, nemkhuleko wami uhlobile.

Jobe 34:28

Babangela kutsi lokukhala kwalabamphofu kufike etindlebeni takhe, wadzimate wakuva kukhala kwalabeswele.

Jobe 5:24

Uyawukwati kutsi likhaya lakho livikelekile, uyawubala kahle tonkhe timphahla takho utikhandze tiphelele.

Tihlabelelo 18:25

Kulowetsembekile wena utibonakalisa wetsembekile, kulongenacala wena utibonakalisa ucotfo,

Tihlabelelo 44:23

Hhawu, Simakadze, phaphama! Ulaleleni? Vuka, ungasiyekeleli kokuphela.

Tihlabelelo 7:6

Simakadze! Sukuma ngentfukutselo yakho. Vuka ungimele elulakeni lwetitsa tami. Nkulunkulu wami, vuka ungisite. Nguwe wedvwa lonesehlulelo lesimsulwa.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 3:33

Sicalekiso saSimakadze sisemndenini walomubi, kodvwa indlu yalolungile uyayibusisa.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 3:10

Tjelani labalungile kutsi kutabahambela kahle, ngobe bayawudla titselo tetento tabo.

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.