Jobe 7:21 - Siswati 1996 Bible

²¹ Awuticoleli ngani tiphambuko tami, utsetselele tono tami? Ngobe mine sengitawulala elutfulini masinyane; maye, utase uphenye sewungifuna mine ngingasekho!”

Jobe 7:21 Referencias Cruzadas

2 Samuweli 24:10

Kodvwa, emvakwekube Davide asalwentile lubalo, nembeza wakhe wacala kumehlulela, wakhuluma kuSimakadze watsi: “Ngonile kakhulu ngaloku lengikwentile. Manje! Awu! Simakadze! Ngiyakuncenga, susa licala lenceku yakho. Vele, ngente intfo lebulima kakhulu.”

Jobe 10:14

Kube ngake ngona, ngabe wawungibukile, futsi bewungeke ungiyekele ungangijezisi.

Jobe 10:9

Khumbula kutsi nguwe lowangibumba njengelibumba, senguwe njalo lotangibuyisela elutfulini futsi?

Jobe 13:19

Ngubani nje longangibeka licala? Nakunjalo, ngitawubindza ngife.

Jobe 14:10

Kodvwa umuntfu uyafa angcwatjwe, kube kuphela kwakhe, kutsi kungaphuma umphefumulo kube kuphela kwakhe.

Jobe 17:14

kube bengingatsi kulokubola: ‘Wena ungubabe,’ nasetimphetfwini ngitsi: ‘Wena ungumake,’ nome: ‘Ungudzadzewetfu,’

Jobe 20:8

Njengeliphupho uyandiza angaphindzi atfolakale, anyamalaliswe njengembono wasebusuku.

Jobe 27:19

Lowo muntfu ulala anjingile, kodvwa angaphindzi abe njalo, nakavula emehlo akhe akhandze sekute lutfo.

Jobe 3:13

Ngobe manje ngabe ngitilalele ngekuthula; yebo, ngabe ngitilalele ekuphumuleni.

Jobe 33:9

‘Mine ngimsulwa, anginasono; ngihlobile, anginacala.

Jobe 7:8

Liso lelingibonako nyalo, alisayiwuphindza lingibone futsi. Uyawungifuna, kodvwa ngiyawube ngingasekho.

Jobe 8:1

Kwase kuphendvula Bildadi, umShuhi, watsi:

Jobe 9:28

nanyalo ngisatfutfumela ngako konkhe lokuhlupheka kwami, ngobe ngiyati kutsi Nkulunkulu ngeke asho kutsi ngimsulwa embikwakhe.

Tihlabelelo 103:15

Emalanga emuntfu anjengetjani, uyabhahela njengembali yesiganga.

Tihlabelelo 37:36

Wafa, kwaba kunyamalala kwakhe; ngabatse ngiyamfuna wangete watfolakala.

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 64:9

Awu Simakadze, ungatfukutseli kwekwengca, ungatikhumbuli tono tetfu phakadze naphakadze. Awu, siyakuncusa, sibuke, ngobe sonkhe sibantfu bakho.

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.

1 yaJohane 3:5

Futsi niyati kutsi Jesu wabonakaliselwa kususa tono, nekutsi kute sono kuye.