Jobe 7:16 - Siswati 1996 Bible

¹⁶ Sengiyayeya imphilo yami. Ngingamane ngingete ngaphila iminyaka leminyenti. Ngiyekele ngisale ngedvwa, emalanga ami akasesilo lutfo kimi.

Jobe 7:16 Referencias Cruzadas

Genesisi 27:46

Rebheka watsi ku-Isaka: “Ngidziniwe kuphila ngenca yalabalukatana baka-Esawu labatsatsa kumaHethi. Nangabe naJakobe angatsatsa umfati emkhatsini walamaHethi, lafanana nalawa lengihleti nawo, kungaba ncono ngimane ngife lokungenani!”

1 Emakhosi 19:4

yena wachubeka wahamba luhambo lolwamtsatsa lilanga lonkhe, aya ekhatsi ehlane. Wefika wahlala ngaphansi kwesihlahla semtsanyelo, wathandazela kutsi asale asafela khona lapho. Wathandaza watsi: “Simakadze, sekwenele, sale utsatsa kuphila kwami; kute lengincono ngakho kunabokhokho bami.”

Jobe 10:1

“Seyiyangicansula yona lemphilo yami. Ngako-ke ngitawusola ngenkhululeko, ngikhulume ngiphumisele bumunyu bemphefumulo wami.

Jobe 10:20

Lamalanga ami lambalwa asengakapheli yini? Ase umane ungishiye ngedvwa, kumbe ngingamane sengitfole litfutjana lekujabula,

Jobe 14:6

Ngako ungamnaki, mshiye yedvwana, abale ema-awa onkhe emalanga njengesisebenti lesicashiwe.

Jobe 6:9

Kutsi Nkulunkulu amane asale angisila, angihlwitse ngesandla sakhe angijube.

Jobe 7:15

sengize nginconota kwekhanywa ngimane ngife sekunalomtimba wami lengikuwo.

Jobe 7:7

Khumbula, mane ukhumbule, Nkulunkulu, kutsi imphilo yami ayisilo lutfo, kodvwa ngumphefumulo nje, emehlo ami akasayiwuphindza akubone kujabula.

Jobe 9:21

“Ngisho naloku ngimsulwa nje, ngingenasici, anginandzaba nalomtimba wami. Kwamine ngiyayeya imphilo yami.

Tihlabelelo 144:4

Umuntfu ufanana nemoya nje; emalanga ekuphila kwakhe afanana nesitfunti lesendlulako.

Tihlabelelo 39:10

Susa kimi umvimba wakho lobuhlungu, sengifile tidvubule tekushaya kwakho.

Tihlabelelo 39:13

Ngiyekele! Ungabe uloku ungigolotele, ngobe ngifuna kuphindze ngijabule, ngingakahambi emhlabeni.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 62:9

Bantfukatana bafanana nemoya nje, tikhulu nato tilite lelite. Nome bafakwa esikalini kanyekanye, balula kunemoya.

Tihlabelelo 78:33

Ngako wenta kutsi emalanga abo endlule ashabalale njengemoya, neminyaka yabo yacedvwa tehlakalo.

Tihlabelelo 78:39

Wakhumbula kutsi batidalwa letabunjwa ngenyama, banjengemoya lotsi hasha, uhambe siphelane.

Umshumayeli 2:17

Ngako ngakutondza kuphila, ngobe konkhe lokwentiwako lapha ngaphansi kwemtfunti welilanga kuhlupheka kimi. Konkhe loku kulite, kufanana nekucosha umoya.

Jeremiya 8:3

Yonkhe indzawo lapho ngiyakuyicoshela khona lensali yalesive lesibi iyawucolela kufa kunekuphila, kusho Simakadze longuSomandla.’ ”

Jona 4:3

Ngako-ke Simakadze, ngiyakuncenga kutsi ukususe kuphila kwami kimi; ngobe kuncono kimi kutsi ngife kunekutsi ngiphile.”

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”