Jobe 6:4 - Siswati 1996 Bible

⁴ Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.

Jobe 6:4 Referencias Cruzadas

Jobe 16:9

Ngentfukutselo yakhe Nkulunkulu uyanginwabulula, wehlukanisa sankhala nesiphanga, angibuke ngeliso lelibi.

Jobe 19:12

Emabutfo akhe ayashuca atengihlasela, akha tindvundvuma tekungivimbetela, akambe atungeleta likhaya lami.

Jobe 20:16

Utawumunya lesihlungu setinyoka; abulawe ngematinyo elibululu.

Jobe 21:20

Lomubi akatibonele ngemehlo akhe kubhujiswa kwakhe, atinatsele yena lulaka lwaSomandla.

Jobe 30:15

Tesabiso tiyangehlula, kuhlonipheka kwami kususiwe kimi, kwaba shangatsi kupheshulwe ngumoya, kuphepha nenhlalakahle yami kunyamalale njengemafu.

Jobe 31:23

Ngobe mine ngangiyesaba kakhulu imbhubhiso levela kuNkulunkulu. Nangenca yekwesaba bukhosi bakhe nje, ngangingeke ngiyente intfo lenje.

Jobe 34:6

Naloku ngilunge kangaka, ngitsatfwa njengalonemanga, naloku ngingenacala umcibisholo wakhe uhlaba linceba lelingelapheki.’

Jobe 7:20

Nangabe ngonile, ngenteni kuwe, wena Mlondvoloti webantfu? Wenteleni kutsi ngibe yinkoyoyo yakho? Wenteleni kutsi ngibe ngumtfwalo kuwe?

Jobe 9:17

Abenganginyatsela ngesangcotfo, andzise emanceba ami ngaphandle kwesizatfu.

Tihlabelelo 143:7

Sheshisa, Simakadze, ungiphendvule; umoya wami ushona phansi. Ungangifihleli buso bakho, funa ngibe njengalabashona emgodzini.

Tihlabelelo 18:14

Wajijimeta ngemicibisholo yakhe, kwasakateka titsa, watigalela ngemibane, watidzidzitelisa, tasiphuka.

Tihlabelelo 21:12

Uyawubenta babaleke, ubadubule ngemicibisholo yakho.

Tihlabelelo 38:2

Imicibisholo yakho ingihlabe yangena, nesandla sakho sehlele etikwami.

Tihlabelelo 38:3

Sekute imphilo emtimbeni wami, ngenca yelulaka lwakho; kute ngisho nekuthula ematsanjeni ami, ngenca yesono sami.

Tihlabelelo 45:5

Imicibisholo yakho iyakhalipha, ihlaba inhlitiyo yetitsa tenkhosi, udle netive, utilahle ngaphansi kwakho.

Tihlabelelo 7:13

ulungisa tikhali takhe letinebutsi, ente imicibisholo yakhe ivutse umlilo.

Taga 14:10

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Taga 18:14

Umoya wemuntfu umenta akubeketelele kugula; kodvwa umoya lodzabukile ngubani longawubeketelela?

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Sililo 3:3

Ngempela, sandla sakhe usiguculele ngakimi, simelana nami njalo nje, onkhe emalanga.

Makho 15:34

Ngalelo awa Jesu wakhala ngelivi lelikhulu, watsi: “Eloyi! Eloyi! Lama sabakthani?” lokusho kutsi: “Nkulunkulu wami! Nkulunkulu wami! Ungishiyeleni?”

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”

Ruthe 1:20

Wabaphendvula watsi: “Hhayi, ningasangibiti ngekutsi nginguNawomi, sale senitsi nginguMara, ngobe Nkulunkulu Somandla ungihlanekele, wangiletsela kuhlupheka.