Jobe 5:11 - Siswati 1996 Bible

¹¹ Uphakamisa labaphansi abayise etulu, labalilako baphakanyiselwe endzaweni lephephile.

Jobe 5:11 Referencias Cruzadas

Jobe 22:29

Kodvwa Nkulunkulu uyabehlisa labo labatigcabhako, amsindzise umuntfu lotitfobako.

Jobe 36:7

Emehlo akhe akawesusi kulabalungile, ubabeka kanye nemakhosi etihlalweni tebukhosi, abaphakamise kokuphela.

Jobe 8:7

Konkhe loku lokukulahlekele bekuyawuba lite kakhulu, nase kucatsaniswa naloku bewungakunikwa nguNkulunkulu kamuva.

Tihlabelelo 107:41

Kodvwa waphakamisa labamphofu wabakhipha elusizini, wenta imindeni yaba njengemihlambi yetimvu.

Tihlabelelo 113:7

Uphakamisa luphuya elutfulini, aphakamise loswele etaleni lemlotsa,

Tihlabelelo 91:14

Nkulunkulu yena utsi: “Njengobe naku ubambelele kimi ngelutsandvo, ngitamephula ngimbeke endzaweni lephakeme, ngimvikele ngobe alati libito lami.

Hezekeli 17:24

Tonkhe tihlahla tesiganga tiyawukwati kutsi mine Simakadze ngehlisa sihlahla lesidze, bese ngenta sihlahla lesifishane sikhule sibe sidze. Ngomisa sihlahla lesiluhlata, bese ngihlumisa sihlahla lesomile sibe luhlata. “ ‘Mine Simakadze sengikhulumile, futsi ngitawukwenta loko.’ ”

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

YaJakobe 1:9

Umzalwane lophansi akatincome ngekuphakanyiswa kwakhe.

1 yaPhetro 1:3

Akabongwe Nkulunkulu, longuYise weNkhosi yetfu Jesu Khristu, lowasitala kabusha ngemusa wakhe lomkhulu, kuze sibe nelitsemba leliphilako ngekuvuswa kwaJesu Khristu kulabafile.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.