Jobe 4:9 - Siswati 1996 Bible

⁹ Ngekuphefumula kwaNkulunkulu bayabhubha; ngekuvunguta kwentfukutselo yakhe bayaphela.

Jobe 4:9 Referencias Cruzadas

2 Emakhosi 19:7

Lalelani! Ngitawufaka kuye umoya lotamenta kutsi atsi nakeva umbiko lotsite, ancandzeke abuyele eveni lakhe, ngulapho-ke ngiyawumenta afele khona ngenkemba.’ ”

Jobe 1:19

kwefika umoya lomkhulu uchamuka ngasehlane, wabhidlita lendlu, onkhe emakona ayo lamane. Ivele yawela etikwabo, bafa bonkhe; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 15:30

Angeke abubalekele bumnyama, lilangabi liyakubunisa emahlumela akhe, kuphefumula kwemlomo waNkulunkulu kuyawumtsatsa kumlahle khashane.

Jobe 40:11

Khumula sikhahlo sentfukutselo yakho, bukisisa wonkhe umuntfu lotigcabhako, bese umehlisela phansi,

Jobe 40:13

Bonkhe bangcwabe ndzawonye elutfulini, sitselisa buso babo ethuneni.

Tihlabelelo 18:15

Kujula kwetilwandle kwenekeka ebaleni, tisekelo temhlaba tembuleka, ngenca yekutsetsa kwakho, Simakadze, nangenca yekufutsa kwemakhala akho.

Eksodusi 15:10

Kodvwa wena, Simakadze, uphefumule kwaba kanye, lwandle lwabamita, bacwila sincane selitje naligcumukela emantini lanemandla.

Eksodusi 15:8

Ngekufutsa kwemakhala akho emanti elwandle ancwabelana ndzawonye, yebo, ema aba tindvonga. Kujula kwelwandle kwacina njengemgcwaco.

Isaya 11:4

kodvwa labeswele uyawubehlulela ngekwemtsetfocotfo, labamphofu belive abehlulele ngekungakhetsi. Uyawushaya umhlaba ngendvuku yemlomo wakhe; ngekuphefumula kwemlomo wakhe uyawubulala lababi.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 40:7

Tjani buyabuna netimbali tiyahhohloka, ngobe umoya waSimakadze uhhusha etikwako. Ngempela bantfu batjani.

2 kubaseThesalonika 2:8

bese-ke lowo longenamtsetfo uyembulwa; Jesu iNkhosi uyawumbhubhisa ngemoya wemlomo wakhe, amcedze ngekubonakala kwenkhatimulo yekufika kwakhe.

Sembulo 2:16

Phendvuka-ke. Nakungenjalo, ngitawuta kuwe masinyane, ngilwe nabo ngenkemba yemlomo wami.