Jobe 39:5 - Siswati 1996 Bible

⁵ “Ngubani lowenta imbongolo yesiganga kutsi ihambe ikhululekile? Ngubani lowatfukulula tindilimo tayo?

Jobe 39:5 Referencias Cruzadas

Genesisi 16:12

Uyawuba ngumuntfu lonjengembongolo yesiganga, aphambane naye wonkhe umuntfu, bonkhe bantfu baphambane naye. Uyawuhlala ngekuchukulutana netihlobo takhe.”

Genesisi 49:14

“Isakhari uyimbongolo lengumkhehlekhehle leyalala emkhatsini wemitfwalo.

Jobe 11:12

Indvodza lesilima iyawucala kuba ngulehlakaniphile, mhlazana imbongolo yesiganga itala umuntfu.

Jobe 24:5

Njengetimbongolo tesiganga ehlane, labamphofu bayazulazula bafunane nekudla ehlane, kute lenye indzawo lapho bangatfolela bantfwababo khona kudla.

Jobe 39:10

Ungayifaka yini emseleni ngematomu? Ingatilima yini leto tigodzi emvakwakho?

Jobe 39:4

Emazinyane ato ayacina, akhulele etigangeni, ahambe angaphindzi abuye.

Jobe 6:5

Imbongolo yesiganga iyakhonya yini nayiseluhlateni? Yona inkhomo iyabhonsa yini nayiseluhlateni?

Tihlabelelo 104:11

Kunatsa kuyo tonkhe tilwane tesiganga, netimbongolo tesiganga ngulapho tikucima khona koma kwato.

Isaya 32:14

Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi,

Jeremiya 14:6

Timbongolo tesiganga tima emadvundvwini lagagadzekile etintsaba tikhefutele njengetimphungutja; atisaboni nasemehlweni ngenca yekweswela luhlata.”

Jeremiya 2:24

unjengembongolo yesiganga, leyetayele lihlane, lehosha umoya nase ikhanuka, ngubani nje longayivimbela nase ifuna kwekhwelwa? Tonkhe tinkunzi tetimbongolo letiyicoshako atikafaneli kutsi titikhatsate, ngesikhatsi sekwekhwelwa titayitfola.

Danyela 5:21

Wakhishwa emkhatsini webantfu, wanikwa ingcondvo yesilwane; wahlala emkhatsini wetimbongolo tesiganga, wadla tjani njengetinkhomo; nemtimba wakhe wanetfwa ngematolo asezulwini, waze wavuma kutsi Nkulunkulu Longetulu Kwako Konkhe wengamele yonkhe imibuso yebantfu nekutsi ubeka etikwayo nome ngumuphi lowo latsandza kumbeka.

Hoseya 8:9

Ngobe sebakhuphukele e-Asiriya kuyawufuna lusito njengembongolo yesiganga lezulazula yodvwana. Efrayimu sewutitsengise yena emashendeni akhe.