Jobe 3:5 - Siswati 1996 Bible

⁵ Shangatsi bumnyama nelitfunti lekufa kungatfumba lelo langa, shangatsi lingambonywa lifu, shangatsi bumnyama bungasibekela kukhanya kwalo.

Jobe 3:5 Referencias Cruzadas

Jobe 16:16

Sengikhale ngaze ngabheja ngaba bovu ebusweni. Emehlo ami asavuvuke aze aba naletimnyama tingobho.

Jobe 24:17

Ngobe kubo bonkhe bumnyama lobukhulu ngusekuseni ngeluvivi, batente bangani netesabiso tebumnyama.”

Jobe 28:3

Umuntfu uyabucedza bumnyama, uphenyisisa aze afinyelele nasetingonini temhlaba, afunana nelitje lensimbi ebumnyameni lobukhulukati.

Jobe 3:4

Shangatsi lelo langa lingaba mnyama, shangatsi naNkulunkulu losezulwini angete alinaka, shangatsi nekukhanya kungete kwakhanya kulo.

Jobe 3:6

Shangatsi lobo busuku bungabanjwa bumnyama lobukhulu, shangatsi bungete babalwa kanye nalamanye emalanga emnyaka, bungete bafakwa ngisho nakuyinye inyanga.

Jobe 34:22

Kute bumnyama lobumnyama kuye, kute nelitfunti lelimnyama, lapho benti balokubi bangabhaca khona.

Jobe 38:17

Sewuke wakhonjiswa yini emasango ekufa? Sewuke wawabona yini emasango ematfunti ekufa?

Tihlabelelo 107:10

Labanye babehleti ebumnyameni nasetfuntini lekufa, baboshwe tinsizi netinketane,

Tihlabelelo 107:14

Wabakhipha kulobo bumnyama nakulelo tfunti lekufa, wajuba tibopho letatibabophile.

Tihlabelelo 23:4

Nome ngihamba esigodzini lesinelitfunti lekufa, angesabi lutfo lolubi, ngobe wena unami; intfonga yakho neludvondvolo lwakho kuyangivikela.

Tihlabelelo 44:19

noko usipitjitele ehlane letimpungutja, wasembesa ngelitfunti lekufa.

Isaya 9:2

Bantfu labahamba ebumnyameni bakubonile kukhanya lokukhulu; kulabo labahlala eveni lelitfunti lekufa kukhanya sekuchamukile.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Jeremiya 4:28

Ngako-ke umhlaba utawulila, nemazulu ngetulu agucuke abe mnyama, ngobe sengikhulumile, futsi ngingeke ngibuye ngigucuke, sengincumile, futsi ngingeke ngijike.”

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 34:12

Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona ngalelo langa lemafu nelebumnyama.

Joweli 2:2

Lelo lilanga lebumnyama nesigayegaye, lilanga lemafu nebumnyama lobukhulu. Njengekusa nakwendlaleka etintsabeni kunjalo nekuta kwemphi lenkhulu nalenemandla, lengazange seyibe khona nasendvulo, futsi ingeke iphindze ibe khona nome ngunini.

Amose 5:8

Simakadze lowenta tinkhanyeti, wadala Silimela neMtsentse. Nguye logucula bumnyama abente intsatsakusa, ente imini ibe busuku. Ubita emanti aselwandle, awatsele ebusweni bemhlaba, nguSimakadze libito lakhe.

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Matewu 4:16

sive lebesihleti ebumnyameni, nikubonile kukhanya lokukhulu; nine, lebenihleti eveni nasetfuntini lekufa, kuphumele kini kukhanya.”

Lukha 1:79

kuletse kukhanya kulabo labasebumnyameni nasetfuntini lekufa, acondzise tinyawo tetfu endleleni yekuthula.”

Dutheronomi 4:11

“Nasondzela edvute nema ngephansi kwentsaba naloku yayivutsa emalangabi emlilo lowawufikela esibhakabhakeni, unemafu lamnyama nentfutfu leyesabekako.

KumaHebheru 12:18

Aniketi entsabeni longayitsintsa, levutsa umlilo nalenebumnyama lobumnyamakati, nesivunguvungu,