Jobe 3:25 - Siswati 1996 Bible

²⁵ Loko bengikwesaba kakhulu sekungehlele, lebengikwesabisa inyoka sekwenteke kimi.

Jobe 3:25 Referencias Cruzadas

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Jobe 30:15

Tesabiso tiyangehlula, kuhlonipheka kwami kususiwe kimi, kwaba shangatsi kupheshulwe ngumoya, kuphepha nenhlalakahle yami kunyamalale njengemafu.

Jobe 30:26

Kodvwa nangitsi ngifuna lokuhle, kusuke kufike lokubi; nangitsi ngifuna kukhanya, kusuke kuchamuke bumnyama.

Jobe 31:23

Ngobe mine ngangiyesaba kakhulu imbhubhiso levela kuNkulunkulu. Nangenca yekwesaba bukhosi bakhe nje, ngangingeke ngiyente intfo lenje.

Jobe 9:28

nanyalo ngisatfutfumela ngako konkhe lokuhlupheka kwami, ngobe ngiyati kutsi Nkulunkulu ngeke asho kutsi ngimsulwa embikwakhe.

Hezekeli 11:8

Niyayesaba inkemba; ngiyakunehlisela inkemba, kusho iNkhosi Simakadze.