Jobe 3:21 - Siswati 1996 Bible

²¹ Kunikelwani bantfu labakulangatelelako kufa, kodvwa kungefiki, bakuphenyisise kwendlula umcebo lofihliwe?

Jobe 3:21 Referencias Cruzadas

1 Emakhosi 19:4

yena wachubeka wahamba luhambo lolwamtsatsa lilanga lonkhe, aya ekhatsi ehlane. Wefika wahlala ngaphansi kwesihlahla semtsanyelo, wathandazela kutsi asale asafela khona lapho. Wathandaza watsi: “Simakadze, sekwenele, sale utsatsa kuphila kwami; kute lengincono ngakho kunabokhokho bami.”

Jobe 11:20

Kodvwa emehlo alababi ayawukwehluleka kubona, ingabikho ngisho nendlela yekubaleka. Litsemba labo seliyawuba kufa.”

Jobe 3:22

Kunikelwani bantfu labakujabulelako kufika ethuneni, batsakase nabafinyelela emadlizeni?

Jobe 6:8

“Awu, shangatsi kucela kwami kungevakala, Nkulunkulu amane angiphe loko lengikufunako.

Jobe 6:9

Kutsi Nkulunkulu amane asale angisila, angihlwitse ngesandla sakhe angijube.

Jobe 7:15

sengize nginconota kwekhanywa ngimane ngife sekunalomtimba wami lengikuwo.

Taga 2:4

kufunisise njengesiliva, ukumbe njengemcebo lofihliwe.

Umshumayeli 4:2

Ngakhandza kutsi labafile bayajabula; labo lasebalala bancono kunalaba labaphilako.

Jeremiya 8:3

Yonkhe indzawo lapho ngiyakuyicoshela khona lensali yalesive lesibi iyawucolela kufa kunekuphila, kusho Simakadze longuSomandla.’ ”

Jona 4:3

Ngako-ke Simakadze, ngiyakuncenga kutsi ukususe kuphila kwami kimi; ngobe kuncono kimi kutsi ngife kunekutsi ngiphile.”

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Numeri 11:15

Nangabe utangiphatsa kanjena, ngiyacela kutsi usale sewungibulala khona manje nje, nangizuze umusa ebusweni bakho, khona ngingasayiwuphindze ngibone lusizi lwami.”

Sembulo 9:6

Kulawo malanga bantfu bayawukufuna kufa, kodvwa bangete bakutfola; bayawufisa kutsi bafe, kodvwa kufa kuyakubabalekela.