Jobe 24:9 - Siswati 1996 Bible

⁹ Umntfwana longenayise uyahlutfulwa ebeleni, luswane lwalomphofu lutsatselwe kubhadala sikwelede.

Jobe 24:9 Referencias Cruzadas

2 Emakhosi 4:1

Umfati walomunye webaphrofethi wakhala ku-Elisha, watsi: “Inceku yakho, lebekuyindvodza yami, seyifile; nawe uyati kutsi beyesaba Simakadze. Manje lomuntfu lebeyimkweleda uyeta utawutsatsa lamadvodzana ami lamabili, kutsi ayekuba tigcili takhe.”

Nehemiya 5:5

Nome sisive sinye nalabomnaketfu emaJuda kantsi futsi nebantfwabetfu kufanana nekutsi babo, kodvwa noko siphocelela lamadvodzana nemadvodzakati etfu kutsi abe tigcili. Lamanye emadvodzakati etfu asavele atsengisiwe aba tigcili, asinamandla, ngobe emasimi etfu netivini tetfu sesemukiwe.”

Jobe 22:6

Wafuna sibambiso kubomnakenu ngendlovu yangena ngaphandle kwesizatfu, wahlubula labamphofu tembatfo tabo, wabashiya bangcunu.

Jobe 24:10

Ngenca yekweswela kwekwembatsa, bahamba ngcunu, betfwala tinyandza, kodvwa bajinge babulawe yindlala.

Jobe 24:8

Banetfwa babe manti timvula temagcuma, banamatsele emadvwaleni, ngobe beswele indlu.

Jobe 29:12

ngobe ngangisindzisa labamphofu lababekhala bacele lusito kimi, netintsandzane letatite boyise lababengatisita.

Jobe 6:27

Nitawuze nente inkatho, nentele longenayise, nitsengise ngekuntjintjiselane ngemngani wenu.

Isaya 3:14

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Dutheronomi 24:7

“Nangabe umuntfu ubanjwe atfumba lomunye um-Israyeli, amphatse njengesigcili nome amtsengise, lowo longumtfumbi kufanele abulawe. Niyakukukhipha kanjalo-ke lokubi lokumila emkhatsini wenu.