Jobe 24:5 - Siswati 1996 Bible

⁵ Njengetimbongolo tesiganga ehlane, labamphofu bayazulazula bafunane nekudla ehlane, kute lenye indzawo lapho bangatfolela bantfwababo khona kudla.

Jobe 24:5 Referencias Cruzadas

Genesisi 16:12

Uyawuba ngumuntfu lonjengembongolo yesiganga, aphambane naye wonkhe umuntfu, bonkhe bantfu baphambane naye. Uyawuhlala ngekuchukulutana netihlobo takhe.”

Genesisi 27:40

Uyawuphila ngenkemba yakho, usebente umnakenu, kodvwa kuyawutsi nawudlubulundzela, uyawulephula lijoko lakhe entsanyeni yakho.”

Jobe 12:6

Emakhaya etigebengu akaphazanyiswa lutfo, nalabo labacunula Nkulunkulu baphephile, yebo, labo labaphetse nkulunkulu wabo ngetandla tabo.

Jobe 24:14

Kutsi kungahlwa, umbulali avuke, abulale labamphofu nalabeswele; ebusuku uhamba eba, agcekeza tindlu njengelisela.

Jobe 24:6

Babutsa kudla kwetifuyo emahlangeni, bakhwimite etivinini talababi.

Jobe 5:5

Sivuno saso sidliwa ngulabalambile, basikhosholote ngisho lesisekhatsi kulamnyama emacobhe. Labomile bahahela umcebo waso kutsi bawufuhlute bawucedze.

Tihlabelelo 104:23

Umuntfu uyaphuma aye emsebentini wakhe, akhandleke kudzimate kushone lilanga.

Taga 4:16

Bantfu lababi abalali bangakenti lokubi, bayacwasha bangalali nabangakoni muntfu.

Jeremiya 2:24

unjengembongolo yesiganga, leyetayele lihlane, lehosha umoya nase ikhanuka, ngubani nje longayivimbela nase ifuna kwekhwelwa? Tonkhe tinkunzi tetimbongolo letiyicoshako atikafaneli kutsi titikhatsate, ngesikhatsi sekwekhwelwa titayitfola.

Hoseya 7:6

“Tinhlitiyo tabo tinjengelihhavu, babhekana nayo ngekuvumelana ngemacebo. Intfukutselo yabo ibobotseka busuku bonkhe; bese kutsi ekuseni ivutse njengemalangabi emlilo.

Hoseya 8:9

Ngobe sebakhuphukele e-Asiriya kuyawufuna lusito njengembongolo yesiganga lezulazula yodvwana. Efrayimu sewutitsengise yena emashendeni akhe.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Imisebenti yebaPhostoli 23:12

Ngakusasa ekuseni lamanye emaJuda ahlangana enta lisu, ase atibopha ngesifungo kutsi ngeke akudle kudla, nekunatsa angeke anatse angakambulali Pawula.