Jobe 22:3 - Siswati 1996 Bible

³ Njabulo yini lebeyingatfolwa nguSomandla kube bewulungile? Abetawubuyelwa yini kube tindlela takho betimsulwa?

Jobe 22:3 Referencias Cruzadas

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Jobe 21:15

Ngubani yena loSomandla kutsi singakhonta yena? Yini nje lesingayitfola ngekuthandaza kuye?’

Jobe 22:2

“Umuntfu angaba ngilo yini lusito kuNkulunkulu? Umuntfu lohlakaniphile yena angaba lusito yini kuye?

Jobe 22:4

Kungenca yekwesaba kwakho Nkulunkulu yini lokutsi akutsetsise, akubeke emacala?

Jobe 34:9

ngobe utsi: ‘Umuntfu akumsiti ngalutfo kwetama kujabulisa Nkulunkulu.’

Jobe 35:7

Nangabe ulungile, uletsani kuye, nome-ke utfolani yena esandleni sakho?

Tihlabelelo 119:59

Nangicabanga ngetindlela tami, ngijikisa tinyatselo tami, ngiticondzise etimisweni takho.

Tihlabelelo 39:1

Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”

Taga 11:1

Simakadze uyasenyanya sikali lesonakele; kodvwa ujabula ngalabo labasebentisa tikali letisemtsetfweni.

Taga 11:20

Simakadze uyabenyanya bantfu labanenhlitiyo lembi; kodvwa ujatjuliswa ngulabo labangasoleki.

Taga 12:22

Imilomo lecala emanga isinengiso kuSimakadze; kodvwa laba labetsembekile bayinjabulo kuye.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 9:12

Nawuhlakaniphile, kusitakala wena; kodvwa nangabe usedzeleli, kutawuhlupheka wena.

Malakhi 2:17

Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”

Imisebenti yebaPhostoli 24:16

Ngako-ke nami ngetama ngemandla ami onkhe ngetikhatsi tonkhe, kuze kutsi ngihlale nginanembeza longenacala kuNkulunkulu nakubantfu.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.