Jobe 2:5 - Siswati 1996 Bible

⁵ Kodvwa ase welule sandla sakho utsintse inyama yakhe nematsambo akhe, ubone kutsi angeke yini akwetfuke.”

Jobe 2:5 Referencias Cruzadas

1 Tikhronike 21:17

Davide watsi kuNkulunkulu: “Akusimi yini lengatsi akubalwe emadvodza emphi? Ngimi lengonile ngenta lokubi. Kodvwa laba batimvu nje. Bona-ke boneni? Awu Simakadze, Nkulunkulu wami! Sandla sakho asimane sehlele etikwami ngedvwa kanye nasetikwendlu yami kuphela, kodvwa ungasiyekeli lesifo sehlele esiveni sakho.”

Jobe 1:11

Kodvwa ase welulele sandla sakho kuko konkhe lanako, ubone kutsi angeke yini akwetfuke.”

Jobe 1:12

Simakadze wakhuluma kuSathane, watsi: “Kulungile, konkhe lanako kusetandleni takho, kodvwa ungasibeki sandla sakho emtimbeni wakhe.” Ngako Sathane wahamba, wesuka kuSimakadze.

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Jobe 2:4

Sathane waphendvula Simakadze, watsi: “Sikhumba esikhunjeni! Umuntfu angalahlekelwa nguko konkhe lanako ngenca yemphilo yakhe.

Jobe 2:6

Simakadze wakhuluma kuSathane, watsi: “Kulungile phela, usetandleni takho; kodvwa ungambulali.”

Jobe 2:9

UmkaJobe wakhuluma kuJobe, watsi: “Namanje solomane usabambelele yini kulokwetsembeka kwakho? Yetfuka loNkulunkulu wakho, ufe lokungenani!”

Tihlabelelo 39:10

Susa kimi umvimba wakho lobuhlungu, sengifile tidvubule tekushaya kwakho.

Isaya 65:3

bantfu labachubeka nekungicunula njalo nje embikwami ngibuka, banikele ngemihlatjelo etivandzini, batfuncise nemphepho emalatini etitini,

Isaya 8:21

Bayawukwehla benyuka eveni bajabhile futsi balambile, ngesikhatsi sebahwaywe yindlala, bayawuvutsa ngelulaka, babuke etulu, bacalekise inkhosi yabo kanye naNkulunkulu wabo.

Levithikusi 24:11

Lendvodzana yemfati longum-Israyeli yahlambalata libito laSimakadze ngekulicalekisa; bayitsatsa bayiletsa kuMosi. Unina bekunguShelomithi, indvodzakati yaDibri wesive sakaDani.

Levithikusi 24:15

Shano kuma-Israyeli utsi: ‘Nome ngubani loyakwetfuka Nkulunkulu wakhe, uyakwetfwala licala lesono sakhe.

Sembulo 12:10

Ngeva livi lelikhulu ezulwini litsi: “Nyalo insindziso, nemandla, nebukhosi sekwaNkulunkulu wetfu, neligunya selaKhristu wakhe; ngobe sewulahlelwe phansi ummangaleli lomangalela bazalwane betfu kuNkulunkulu, imini nebusuku.