Jobe 2:12 - Siswati 1996 Bible

¹² Batsi nabambona basesekhashane, bangete bambona kutsi nguye; bacala bakhala kakhulu, baklebhula imijiva yabo, batitsela ngelutfuli etinhloko tabo.

Jobe 2:12 Referencias Cruzadas

Genesisi 27:34

Watsi Esawu nakeva lamavi eyise, wakhala kakhulu, wadzimate watsi kuyise: “Babe, nami ngibusise.”

2 Samuweli 13:36

Watsi asandza kucedza kukhuluma, emadvodzana enkhosi angena, akhala kakhulu. Inkhosi kanye nato tonkhe tinceku tayo bahlala kabuhlungu.

Ezra 9:3

Ngatsi kube ngikuve loko, ngaklebhula ingubo nesembatfo sami, ngahhula tinwele tami nesilevu sami, ngahlala phansi ngijabhile.

Nehemiya 9:1

Kwatsi ngelilanga lema-24 kuleyo nyanga ema-Israyeli ahlangana ndzawonye, azila, embatsa emasaka, atitsela ngelutfuli etinhloko, akhalela tono tawo.

Esta 4:1

Watsi kube Modekhayi eve ngako konkhe loko lokwase kuhloswe kwentiwa nguHamani, wadzabula tingubo takhe, wembatsa emasaka, watitsela ngemlotsa, wahamba adzabula lidolobha ekhatsi, akhala kakhulu nakabuhlungu,

Jobe 1:20

Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama,

Jobe 19:14

Tihlobo tami tingishiyile, bangani bami bangikhohliwe.

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Hezekeli 27:30

“ ‘Bayawuphakamisa emavi abo bakhale kabuhlungu ngenca yakho. Bayawutsela lutfuli etinhloko tabo batigicite emlotseni.

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.

Sembulo 18:19

Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”

Tikhulu 2:4

Kwatsi kube ingilosi yaSimakadze ikhulume konkhe loku esiveni sema-Israyeli, sive sonkhe sakhala kakhulu,

1 Samuweli 11:4

Tatsi letigijimi natifika eGibeya kaSawula tibika ngaletincomo esiveni, sonkhe sive sakhala kakhulu, samemeta.

1 Samuweli 30:4

Ngako Davide nelibutfo lakakhe bakhala, baze baphelelwa ngemandla ekukhala.

1 Samuweli 4:12

Ngalelo langa lomunye wesive sakaBhenjamini wabaleka emphini waphutfuma eShilo, timphahla takhe asatidzabulile anelutfuli enhloko.