Jobe 16:5 - Siswati 1996 Bible

⁵ Kodvwa umlomo wami bewunganikhutsata. Indvudvuto lebeyingaphinyiselwa tindzebe temlomo wami beyingaba kuphumula emiphefumulweni yenu.

Jobe 16:5 Referencias Cruzadas

Jobe 16:4

Nami kodvwa empeleni bengingakhuluma kanjalo, kube nine beningimi nami ngingini. Nami bengingakhuluma ngimelane nani ngemavi lamanyenti, ngininikinele inhloko.

Jobe 16:6

“Noko nome ngikhuluma, iminjunju yemahlaba lakimi ayikagobi, kantsi nome bengingatibamba, ngiticinise, ayikapheli.

Jobe 29:25

Kwakungimi labebakhetsela indlela, ngihlala emkhatsini wabo njengesikhulu sabo. Ngangihlala njengenkhosi emkhatsini wemabutfo ayo; nginjengemuntfu longumdvudvuti walabalilako.”

Jobe 6:14

“Umuntfu losaphelelwa litsemba kufanele akhutsatwe bangani bakhe labetsembekile, nakhona asakufulatsela kwesaba Somandla.

Jobe 6:25

Maye, abuhlungu emavi laliciniso! Kodvwa angisita ngani emavi enu ekuhlakanipha?

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Taga 27:17

Njengensimbi lelola lenye insimbi, kanjalo nebantfu bayahlakaniphisana.

Taga 27:9

Emakha nemafutsa lanuka kamnandzi ajabulisa inhlitiyo; kodvwa bungani sibili buyawuphakamisa umphefumulo.

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.