Jobe 16:10 - Siswati 1996 Bible

¹⁰ Bantfu sebasitakele ngami, nguleyo ndvodza itisholo lekutsandzako ngami, banginhlakaya sihlatsi ngekungicoloshela, sebangakhele luzungu bahlangana ngami.

Jobe 16:10 Referencias Cruzadas

1 Emakhosi 22:24

Sedekiya, umsa waKhenana, wasukuma wafumba Mikhaya ngemphama ebusweni, atsi: “LoMoya waSimakadze uhambe ngakuphi, nawusuka kimi uyewukhuluma kuwe?”

2 Tikhronike 18:23

Sedekiya, umsa waKhenana, wasukuma wafumba Mikhaya ngemphama ebusweni, atsi: “LoMoya waSimakadze uhambe ngakuphi, nawusuka kimi uyewukhuluma kuwe?”

Jobe 16:11

Nkulunkulu sewungilahlele kubantfu lababi, wangijikijela etidladleni talabangakalungi.

Jobe 30:12

Ngesekudla sami sive siyahlasela, babekela tinyawo tami tingibe, bakha emasu ekungibhubhisa.

Tihlabelelo 22:13

Tingikhamisele imilomo yato njengemabhubesi labhodla adladlabule.

Tihlabelelo 22:14

Ngicitseke njengemanti, emalunga ami onkhe ahhehlulukile, inhlitiyo yami igucuke yaba ngumtfwebeba, yancibilika ngekhatsi kwami.

Tihlabelelo 3:7

Vuka Simakadze, ngisindzise, Nkulunkulu wami, ngobe tonkhe titsa tami utihlakaye imihlatsi, wephula nematinyo alababi.

Tihlabelelo 35:15

Kodvwa kwatsi nangikhubeka ngiwa, batsakasa, bahlangana ndzawonye; bahlanganela kumelana nami, tinkhubela lengingatati tingihlanganyela tinginyembenye siphelane.

Tihlabelelo 35:21

Bakhamise imilomo yabo, bakhuluma baphambane nami, batsi: “Hha! Hha! Sikubonile lokukhulu!”

Tihlabelelo 56:6

Bayabutsana bangilalele emasitseleni, tinyatselo tami baticaphele njengobe bashophene nekuphila kwami.

Tihlabelelo 94:21

Bakha lisu lekuhlasela labalungile, balahla bantfu labangenacala.

Isaya 50:6

Nganikela ngemhlane wami kulabo labebangishaya, ngabanika tihlatsi labo lababengidvonsa ngesilevu. Angizange ngibufihle buso bami ekuphukutweni nasekukhafulelweni ngematse.

Sililo 2:16

Tonkhe titsa takho tikukhamisela imilomo lemikhulu. Tiyancifa tigugudze imihlatsi titsi: “Lidolobha sesilimitile. Leli lilanga lebesivele sililindzele, besihlalele kubona lona.”

Sililo 3:30

Akaniketele sihlatsi sakhe kulowo longamshaya ngemphama, atseleke ngemahloni nangelihlazo.

Mikha 5:1

Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Matewu 26:67

Base bamkhafulela ngematse ebusweni, bamhlukumeta kamatima, bammukula

Johane 18:22

Asakhuluma loko Jesu, lomunye wabogadzi labesedvutane naye wammukula ngemphama watsi: “Uphendvula umPhristi Lomkhulu nawusho nje?”

Imisebenti yebaPhostoli 23:2

UmPhristi Lomkhulu, Ananiyase, watjela labo lababeseceleni kwaPawula kutsi abammukule emlonyeni.

Imisebenti yebaPhostoli 4:27

“Nembala kulelidolobha Herodi naPhontiyuse Philatu bahlangana ndzawonye nebetive, nebaka-Israyeli baphambana naJesu, Sisebenti sakho lesiNgcwele, lowasenta kutsi sibe nguKhristu.

2 kubaseKorinthe 11:20

Niyambeketelela nome ngubani lonigcilatako, nalonichwagako, nalonicaphatako, nalotichayisako, nalonimukula ebusweni.