Jobe 14:4 - Siswati 1996 Bible

⁴ Ngubani longakhipha lokuhlantekile kulokungakahlanteki? Kute!

Jobe 14:4 Referencias Cruzadas

Genesisi 5:3

Kwatsi Adamu asaneminyaka leli-130, watala indvodzana leyamfuta, yafanana naye; wayetsa libito watsi nguSethi.

Jobe 15:14

“Umuntfu abeyini kutsi angaba ngulohlantekile, nome-ke umuntfu lotelwe ngumfati kutsi angaba ngulolungile?

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Tihlabelelo 90:5

Bantfu ubakhukhula njengesihlambi semanti, baphele njengebutfongo, ekuseni bakhula njengeluhlata:

Taga 20:9

Ngubani longasho atsi: “Inhlitiyo yami ngiyigcine imsulwa, ngihlantiwe esonweni sami”?

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Johane 3:6

Loko lokutelwe yinyama kuyinyama, naloko lokutelwe nguMoya kungumoya.

KubaseRoma 5:12

Sono sangena ngemuntfu munye emhlabeni, sangena nekufa, kufa kwase kwendlulela kubo bonkhe bantfu, njengobe bonkhe bonile.

Kubase-Efesu 2:3

Empeleni sonkhe sasinjengabo, sasiphila ngetinkhanuko tenyama yetfu, senta intsandvo yenyama neyengcondvo yetfu. Ngekwemvelo yetfu sasifanelwe lulaka lwaNkulunkulu njengabo bonkhe bantfu.