Jobe 14:1 - Siswati 1996 Bible

¹ “Umuntfu lotelwe ngumfati unemalangana nje lambalwa ekuphila, nawo agcwele lusizi.

Jobe 14:1 Referencias Cruzadas

Genesisi 3:17

Ku-Adamu watsi: “Njengobe ulalele livi lemfati wakho, wasidla lesitselo salesihlahla lengakuyala ngaso ngatsi: ‘Ungasidli,’ umhlaba sewucalekisiwe ngenca yakho. Sewuyakudla kuwo kamatima onkhe emalanga ekuphila kwakho.

Genesisi 47:9

Jakobe wamphendvula watsi: “Iminyaka yami yekuzulazula seyili-130. Leminyaka lembalwa inebulukhuni emphilweni yami. Noko ngisengakabi mdzala ngefika eminyakeni yabokhokho ekuzulazuleni kwabo.”

2 Emakhosi 4:19

Lomfana wakhala kuyise watsi: “Ngafa yinhloko! Ngafa yinhloko!” Uyise watfuma sisebenti watsi: “Mtsatse ummikise kunina.”

Jobe 10:20

Lamalanga ami lambalwa asengakapheli yini? Ase umane ungishiye ngedvwa, kumbe ngingamane sengitfole litfutjana lekujabula,

Jobe 15:14

“Umuntfu abeyini kutsi angaba ngulohlantekile, nome-ke umuntfu lotelwe ngumfati kutsi angaba ngulolungile?

Jobe 25:4

Pho, umuntfu angaba ngulolungile kanjani kuNkulunkulu? Umuntfu lotelwe ngumfati angaba ngulohlantekile kanjani?

Jobe 25:5

Nangabe ngisho nenyanga ingakhanyi, nangabe ngisho netinkhanyeti tingakahlanteki emehlweni akhe,

Jobe 5:7

Kodvwa umuntfu utalelwe kuhlupheka, njengaloku netinhlase tisuka tiye etulu.

Jobe 7:1

“Umuntfu ute yini umsebenti lomatima lapha emhlabeni? Khona emalanga akhe akanjengawo yini emuntfu locashiwe?

Jobe 7:6

“Emalanga ami agijima njengembane, efike ekugcineni asangasenalo litsemba.

Jobe 8:9

ngobe tsine sitelwe itolo loku, kute lesikwatiko, netinsuku tetfu tekuhamba lapha emhlabeni tisitfunti nje.

Jobe 9:25

“Emalanga ami agijima ashiye inyosi, andiza abaleke angasakuboni nakancane nje lokujabulisako.

Tihlabelelo 39:5

Imihla yami ingangemphama yesandla. Kuphila kwami kubukeka kulite kuwe. Impela, kuphila kwemuntfu kunjengenkhungu. Cabanga.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Tihlabelelo 89:47

Khumbula-ke kutsi sikhatsi sami singakanani emhlabeni. Bonkhe bantfu lowabadala bendlula njengemoya kulomhlaba.

Umshumayeli 2:17

Ngako ngakutondza kuphila, ngobe konkhe lokwentiwako lapha ngaphansi kwemtfunti welilanga kuhlupheka kimi. Konkhe loku kulite, kufanana nekucosha umoya.

Umshumayeli 2:23

Kuto tonkhe tinsuku tekuphila kwakhe, umsebenti wakhe yiminjunju nekuhlupheka; ngisho nasebusuku ingcondvo yakhe ayinako kuphumula. Nako loko kulite.

Jeremiya 20:18

Ngangiphumelani vele esiswini? Ngaphumela kubona inhlupheko nelusizi, nekucedzela emalanga ami ehlazweni yini?

Matewu 11:11

“Ngicinisile, ngitsi kini: Kubo bonkhe labake baba khona emhlabeni kute lowake waba mkhulu kunaJohane uMbhabhatisi; kepha lomncane embusweni welizulu mkhulu kunaye.