Jobe 13:4 - Siswati 1996 Bible

⁴ Noko, nine ningibhoca ngemanga, nonkhe nifanana netinyanga, kantsi anikwati kwelapha!

Jobe 13:4 Referencias Cruzadas

Nehemiya 6:8

Mine ngamtfumelela imphendvulo leyayitsi: “Kute intfo lenjalo leyentekako lapha; uyatisusela nje.”

Jobe 16:2

“Setinyenti kakhulu tintfo letinjalo lengitivile. Nine nonkhe nje nibadvudvuti lababi.

Jobe 27:12

Nani nonkhe matfupha nikubonile loku. Pho, niwukhulumelani lombhedvo?”

Jobe 6:15

Kodvwa bomnaketfu bangimbulutela njengetibhobhodla temanti, yebo, njengetibhobhodla temanti letiphuphumako tiphindze tome,

Jobe 6:20

Tiyajabha noko, ngobe betetsemba kakhulu, titsi natifika lapho, tijabhe.

Jobe 6:21

Ningiyenge kanjalo-ke nani, nitsite kube nibone lenhlupheko yami, nase nikhweshela emuva ngenca yekwesaba.

Tihlabelelo 119:69

Labatigabatisako bakhuluma emanga ngami; kodvwa mine, ngitfobela imitsetfo yakho ngenhlitiyo yami yonkhe.

Eksodusi 20:16

“Ungafakazi emanga ngamakhelwane wakho.

Jeremiya 23:32

Impela ngimelene nalabo labaphrofetha emaphupho langemanga,” kusho Simakadze. “Bayabalandzisa bedukise bantfu bami ngemanga abo ebudlabha; noko angikabatfumi, futsi angikababeki. Labantfu ababasiti ngalutfo ngisho nangalokuncane nje,” kusho Simakadze.

Jeremiya 30:13

Sekute namunye longakuncengela kulelicala lakho, sekute nelikhambi lalesilondza sakho, kute longakwelapha.

Jeremiya 46:11

“Khuphukela kaGileyadi uyewutfola ibhalisamu, awu, wena ntfombi, Ndvodzakati yaseGibhithe. Kodvwa wandzisa imitsi yakho yekwelapha, wayandzisa mahhala. Yeka, solo awelapheki.

Jeremiya 6:14

Babopha emanceba ebantfu bami kube shangatsi yintfo nje lengenamsebenti, babe batsi: ‘Kuthula, kuthula,’ kube kantsi kute nalokuthula.

Jeremiya 8:22

Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.

Hoseya 5:13

“Watsi kube Efrayimu abone kugula kwakhe, naJuda abone emanceba akhe, Efrayimu wase ugucukela e-Asiriya, watfumela enkhosini lenkhulu kuyawucela lusito. Kodvwa iyehluleka kunelapha, iyehluleka kupholisa emanceba enu.

Makho 2:17

Jesu wakuva loko watsi kuto: “Akusibo bantfu labaphilile labadzinga inyanga, kodvwa ngulabagulako kuphela. Angiketeli kutawubita labalungile, kodvwa ngitele kubita toni.”

Makho 5:26

Abesagule kakhulu, asaphelelwe timali kulabelaphako, angasenalutfo esandleni, kodvwa kujinge kubete buncono, kugula kuya embili.