Jobe 11:7 - Siswati 1996 Bible

⁷ “Ungakucondza yini kujula kwetimfihlakalo taNkulunkulu? Ungafinyelela yini emikhawulweni yaSomandla?

Jobe 11:7 Referencias Cruzadas

Jobe 22:12

“Nkulunkulu akahlali yini ekuphakameni kwelizulu? Ase ubuke kutsi tinkhanyeti tiphakeme kangakanani!

Jobe 26:14

Lawa ngemacentselo nje emisebenti yakhe. Maye, lokukhulunywa ngaye sikuva kalufifi! Ngubani nje longakucondza kudvuma kwemandla akhe?”

Jobe 27:11

“Ngitanifundzisa ngemandla aNkulunkulu; ngingeke ngitifihle tindlela taSomandla.

Jobe 33:12

“Kodvwa ngiyakutjela ngitsi: Kuloku uyalahleka, ngobe Nkulunkulu mkhulu kunemuntfu.

Jobe 33:13

Manje-ke, ukhononelani kuye, ube utsi akawaphendvuli emavi emuntfu?

Jobe 35:5

Gucukela ngasemazulwini ubuke, bheka ngasemafini wona lasetulu kangaka kuwe.

Jobe 36:26

Maye, mkhulu Nkulunkulu! Bukhulu bakhe bungetulu kwekucondza kwetfu. Bunyenti beminyaka yakhe bungetulu kwekubala kwemuntfu.

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 37:5

Liphimbo laNkulunkulu libhavumula ngetindlela letimangalisako. Wenta tintfo letinyenti letinkhulu naletingetulu kwetingcondvo tetfu.

Jobe 42:3

Ubute watsi: ‘Ngubani yena lona longati lutfo lokhinyabete teluleko tami?’ Empeleni nami ngikhulume ngetintfo lengingaticondzi, tintfo letimangalisa kakhulu kutsi ngingatati.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Tihlabelelo 139:6

Indlela longati ngayo iyangimangalisa, iphakeme, ngingeke ngifinyelele kuyo.

Tihlabelelo 145:3

Mkhulu Simakadze, ufanele kudvunyiswa kakhulu, bukhulu bakhe abuphenyisiseki.

Tihlabelelo 77:19

Indlela yakho yadzabula lwandle, umvila wakho uselwandle lolujulile, noko tinyatselo takho tatingabonakali.

Taga 30:4

“Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?

Umshumayeli 3:11

Konkhe ukwente kwalungela sikhatsi sako. Uphindze wabeka liphakadze etinhlitiyweni tebantfu; noko abakhoni kuyicondza imisebenti yaNkulunkulu kusukela ekucaleni kwayo kuze kube ngusekugcineni.

Umshumayeli 7:24

Lokungiko sibili kukhashane kakhulu, kantsi futsi kujule kakhulu, ngubani longakutfola?

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

1 kubaseKorinthe 2:10

Nkulunkulu ukwembulile kitsi ngaMoya wakhe; ngobe Moya Longcwele uhlolisisa konkhe, ngisho nalokujulile kwaNkulunkulu.

1 kubaseKorinthe 2:16

UmBhalo utsi: “Ngubani lowati umcondvo weNkhosi? Ngubani longayifundzisa?” Kodvwa tsine sinawo umcondvo waKhristu.

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.