Jobe 11:11 - Siswati 1996 Bible

¹¹ Ngempela uyabati bantfu labangemacili, kantsi futsi nakabona lokubi, akakutsatseli yini tinyatselo?

Jobe 11:11 Referencias Cruzadas

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Jobe 28:24

Ngobe yena ubona ekugcineni kwemhlaba, futsi yena ukubona konkhe lokulapha ngaphansi kwemtfunti welilanga.

Jobe 31:4

Akatiboni yini tindlela tami, abale tonkhe tinyatselo tami?

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 33:13

Simakadze, asezulwini, uyabuka emhlabeni abone bonkhe bantfu.

Tihlabelelo 35:22

Nawe, Simakadze, wakubona lokwenteka; ngako-ke phutfuma ungabindzi, ungakhweshi kimi, Simakadze.

Tihlabelelo 94:11

Simakadze uyayati imicabango yebantfu, kutsi ifana nemoya lotsi shwi wendlule.

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Hoseya 7:2

kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Habakhuki 1:13

Emehlo akho ahlanteke kakhulu kutsi angabuka bubi; ungeke ukubeketelele kuhlushwa kwalabacindzetelwe. Manje-ke ubabeketelelani laba labambulutako? Ubindzeleni ngesikhatsi lababi bamita labo labalunge kwengca bona?

KumaHebheru 4:13

Kute sidalwa lesifihlakele kuNkulunkulu, kodvwa konkhe kusebaleni kwembuliwe emehlweni alowo lekufanele sitilandze kuye.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.