Jobe 10:9 - Siswati 1996 Bible

⁹ Khumbula kutsi nguwe lowangibumba njengelibumba, senguwe njalo lotangibuyisela elutfulini futsi?

Jobe 10:9 Referencias Cruzadas

Genesisi 2:7

Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Jobe 10:10

Akusiwe yini lowangitfulula njengelubisi, wangiphehla njengelibhotela?

Jobe 17:14

kube bengingatsi kulokubola: ‘Wena ungubabe,’ nasetimphetfwini ngitsi: ‘Wena ungumake,’ nome: ‘Ungudzadzewetfu,’

Jobe 33:6

Mine ngifanana nawe embikwaNkulunkulu, nami ngatatjwa ebumbeni.

Jobe 34:15

bonkhe bantfu bebangafisa kwetimphungane bafe batsi ngco, bonkhe babuyele elutfulini.

Jobe 4:19

kakhulu kangakanani-ke labo labahlala etindlini letakhiwe ngeludzaka, letitisekelo tato tiselutfulini, labo labapitjiteka kalula njengemiyiyane.

Jobe 7:21

Awuticoleli ngani tiphambuko tami, utsetselele tono tami? Ngobe mine sengitawulala elutfulini masinyane; maye, utase uphenye sewungifuna mine ngingasekho!”

Jobe 7:7

Khumbula, mane ukhumbule, Nkulunkulu, kutsi imphilo yami ayisilo lutfo, kodvwa ngumphefumulo nje, emehlo ami akasayiwuphindza akubone kujabula.

Tihlabelelo 103:14

Ngobe uyakwati kubunjwa kwetfu, uyakhumbula kutsi silutfuli nje.

Tihlabelelo 104:29

Nawufihla buso bakho, tiyetfuka, nawutsatsa kuphefumula kwato, tiyafa, tibuyele elutfulini.

Tihlabelelo 106:4

Awu, Simakadze, ngikhumbule nawusentela umusa sive sakho, nami ungisindzise kanye naso,

Tihlabelelo 22:15

Emandla ami ome njengeludzengelo, lulwimi lwami lunamatsele elwangeni; wena ungilalisa phansi elutfulini lwekufa.

Tihlabelelo 25:18

Buka kuhlupheka kwami nekukhandleka kwami, ungitsetselele tonkhe tono tami.

Tihlabelelo 78:39

Wakhumbula kutsi batidalwa letabunjwa ngenyama, banjengemoya lotsi hasha, uhambe siphelane.

Tihlabelelo 89:47

Khumbula-ke kutsi sikhatsi sami singakanani emhlabeni. Bonkhe bantfu lowabadala bendlula njengemoya kulomhlaba.

Tihlabelelo 90:3

Umuntfu umbuyisela elutfulini utsi: “Buyelani nine bantfwana bebantfu nibe lutfuli lenabunjwa ngalo.”

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Jeremiya 18:6

“Awu, wenandlu yaka-Israyeli, ngingete ngenta yini kini njengaloku kwenta lombumbi?” kusho Simakadze. “Njengelibumba etandleni tembumbi, ninjalo nani esandleni sami, ninendlu yaka-Israyeli.

KubaseRoma 9:21

Empeleni, umbumbi ute yini lilungelo lekusebentisa libumba ngekutsandza kwakhe, nekutsi ente titja letimbili ngasinye sigadla selibumba, lesinye setikhatsi letitsite, lesinye sekusetjentiswa nje nome kunini?

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.