Jobe 1:9 - Siswati 1996 Bible

⁹ Sathane waphendvula, watsi: “Usho kutsi Jobe abengakukhonta yini, kube abengatfoli lutfo kuwe?

Jobe 1:9 Referencias Cruzadas

Jobe 1:10

Awukambiyeli ngelutsango yini Jobe kanye nemndeni wakhe nako konkhe lanako? Uwubusisile umsebenti wakhe wetandla, waze wamupha ngisho nemihlambi yetifuyo lesetigcwele kulo lonkhe lelive.

Jobe 1:21

watsi: “Ngaphuma esiswini samake ngingcunu, kanjalo futsi ngiyawubuyela ngingcunu. Simakadze uphile, Simakadze utsatsile. Alidvunyiswe libito laSimakadze.”

Jobe 2:10

Jobe wamphendvula, watsi: “Wena ukhulumisa kwemfati losilima. Kantsi sesitakwemukela lokuhle kodvwa yini kuNkulunkulu, singasakwemukeli lokubuhlungu nalokubi?” Kuko konkhe loku Jobe akazange one ngekukhuluma kwakhe.

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Matewu 16:26

Ngobe kuyawumsita ngani umuntfu kutfola live lonkhe, kepha alahlekelwe ngumphefumulo wakhe? Ingabe angakhiphani umuntfu kuhlenga umphefumulo wakhe?

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

1 kuThimothi 6:6

Vele kuyinzuzo lenkhulu kwesaba Nkulunkulu kanye nekweneliseka.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.