Jobe 1:8 - Siswati 1996 Bible

⁸ Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi.”

Jobe 1:8 Referencias Cruzadas

2 Emakhosi 23:25

Akuzange sekube nenkhosi leyake yafanana naJosaya, ngembili kwakhe nangemuva kwakhe, ngekutsi itilahlele kuSimakadze njengobe yena enta, ngenhlitiyo yakhe yonkhe, nangemphefumulo wakhe wonkhe, nangemandla akhe onkhe ngekulandzela wonkhe umtsetfo waMosi.

Nehemiya 5:15

Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Jobe 12:4

Sengiyinhlekisa ngisho nakubangani bami, lite nome Nkulunkulu angiphendvula nangikhala kuye, ngaba yintfo yekuhlekwa nje, lite nome ngilungile futsi ngingenacala.

Jobe 2:1

Kwaphindza futsi kwatsi nangalelinye lilanga emadvodzana aNkulunkulu eta atsatsa tindzawo tawo embikwaSimakadze, naSathane watfolakala asasemkhatsini wawo.

Jobe 2:3

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi. Seloku usabambelele ekwetsembekeni kwakhe, nome wena bewungichukulusha ngekutsi ngimbhubhise ngaphandle kwesizatfu.”

Jobe 34:14

Kube bekuyinhloso yakhe kususa umoya wakhe nemphefumulo wakhe,

Jobe 8:20

“Ecinisweni Nkulunkulu akamlahli umuntfu lomsulwa, futsi akaticinisi tandla tebantfu labenta bubi.

Tihlabelelo 18:23

Bengisolo ngite sici embikwakhe, ngitigcinile ngangete ngona.

Tihlabelelo 34:14

Khwesha kulokubi wente lokuhle; funisisa kuthula, ukubambisise.

Tihlabelelo 36:1

Sono siyakhuluma ekujuleni kwenhlitiyo yalomubi. Yebo, lomubi akamesabi Nkulunkulu.

Tihlabelelo 37:27

Khwesha ebubini, wente lokuhle; uhlale uphila njalonjalo.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Tihlabelelo 89:20

Ngimtfolile Davide, inceku yami, sengimgcobe ngemafutsa ami langcwele.

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

Isaya 1:16

gezani, nibe ngulabahlantekile. Susani tento tenu letimbi embikwami! Yekelani kwenta lokubi,

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Hezekeli 40:4

Lendvodza yakhuluma kimi, yatsi: “Ndvodzana yemuntfu, buka ngemehlo akho uve ngetindlebe takho, ulalelisise konkhe lengitakukukhombisa kona, ngobe nguloko lokungukona ukuletselwe lapha. Tjela indlu yaka-Israyeli konkhe loku lokubonako.”

Numeri 12:3

Mosi bekangumuntfu lotfobekile kwendlula wonkhe umuntfu labekhona emhlabeni.

Johane 1:47

Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”

Joshuwa 1:2

“Mosi, inceku yami, ufile. Ngako-ke wena kanye naso sonkhe lesive sema-Israyeli tilungiseleleni kwewela umfula iJordane, niye eveni lengilinika sive sema-Israyeli.

Joshuwa 1:7

Intfo nje, wena cina kakhulu, ube nesibindzi. Caphela, uyilalele yonkhe imitsetfo lowayinikwa nguMosi, inceku yami. Ungaphambuki kuyo, ngesekudla nome ngesancele, khona-ke uyakuphumelela nome ngukuphi lapho uya khona.