Jobe 1:7 - Siswati 1996 Bible

⁷ Simakadze wabuta Sathane, watsi: “Uphumaphi?” Sathane waphendvula Simakadze, watsi: “Ngiphuma kuyawuhlamahlama emhlabeni lapho bengihambahamba khona ngehla ngenyuka.”

Jobe 1:7 Referencias Cruzadas

2 Emakhosi 5:25

Yena wase uyahamba, wangena, wema embikwenkhosi yakhe Elisha. Elisha wambuta, watsi: “Uphumaphi, Gehazi?” Gehazi wamphendvula, watsi: “Inceku yakho beyingakayi ndzawo.”

Jobe 2:2

Simakadze wabuta Sathane, watsi: “Uphumaphi?” Sathane waphendvula Simakadze, watsi: “Ngiphuma kuyawuhlamahlama emhlabeni, lapho bengihambahamba khona ngehla ngenyuka.”

Zakhariya 6:7

Kwatsi nakuphuma lawa lamabalabala, tinjomane letatinemandla kakhulu, atimisela kuwuhlamahlama wonkhe umhlaba. Ingilosi yatsi: “Phumani, niwuhlamahlame wonkhe umhlaba!” Ngako ase ayaphuma awuhlamahlama wonkhe umhlaba.

Matewu 12:43

“Umoya lomubi nawuphumile kumuntfu, uhamba udzabule tindzawo letomile ufuna kuphumula, ungakutfoli,

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 20:8

Uyawutsi nasaphumile ahambe ayewudukisa boGogi naMagogi, tive letisemagunjini omane emhlaba, kutsi atihlanganisele imphi. Letinye tingangesihlabatsi saselwandle.