Jobe 1:3 - Siswati 1996 Bible

³ abefuye timvu letatiti-7 000, nemakamela lati-3 000, netinkhabi letiboshelwako letiyinkhulungwane, netimbongolo letinsikati letatingema-500 kanye netisebenti letinyenti kakhulu. Lendvodza yayidvume ngebunjinga lobukhulu, yendlula onkhe emadvodza asemphumalanga.

Jobe 1:3 Referencias Cruzadas

Genesisi 12:16

Ngenca yalomfati, Abrama waphatseka kahle: Wanikwa timvu netimbuti, netinkhomo, netimbongolo letindvuna naletinsikati, nemakamela, netisebenti letidvuna naletisikati.

Genesisi 12:5

Abrama watsatsa Sarayi, umkakhe, naLoti, indvodzana yemnakabo, netimphahla tabo labesebatigcogcile, netisebenti labesebatitfole eHarani; bahamba nato baya eveni laseKhenani. Batsi kube befike eveni laseKhenani,

Genesisi 13:6

Ngako-ke lelo live lalingeke lisabenela kahle-hle, ngobe timphahla tabo tase titinyenti kangangekutsi babengabe basahlala ndzawonye.

Genesisi 24:35

Simakadze uyibusise kakhulu inkhosi yami, injinge kakhulu. Simakadze uyibusise ngemihlambi yetimvu netinkhomo, isiliva negolide, tisebenti letidvuna naletisikati, emakamela kanye netimbongolo.

Genesisi 25:6

Kodvwa emadvodzana alabanye bafati bakhe wabapha tipho, watsi asaphila nje wawasusa kulendvodzana yakhe Isaka, wawabhekisa ngasemphumalanga nelive.

Genesisi 29:1

Jakobe wachubeka neluhambo lwakhe waya eveni lebantfu bangasemphumalanga.

Genesisi 32:14

timbutikati letingemakhulu lamabili, netiphongo letingemashumi lamabili, netimvukati letingemakhulu lamabili, netihhanca letingemashumi lamabili,

Genesisi 34:23

Kepha nitsi tifuyo tawo kanye nako konkhe kwawo kungeke yini kube kwetfu? Ngako-ke asivume, kuze atekwakha emkhatsini wetfu.”

2 Samuweli 12:2

Lena leyayinjingile yayinemihlambi lemikhulu yetimvu netinkhomo,

1 Emakhosi 4:30

Kuhlakanipha kwaSolomoni kwaba kukhulu kunekuhlakanipha kwato tonkhe tati tasemphumalanga netaseGibhithe.

2 Emakhosi 15:20

Menahemu lemali abeyikhiphisa labantfu baka-Israyeli ngenkhani. Wonkhe umuntfu labenjingile abefanele akhokhe tinhlavu tesiliva letingema-50 amunye, kutsi kutewunikwa inkhosi yase-Asiriya; nembala, yase iyamyekela Menahemu, yalishiya live lakhe.

2 Emakhosi 3:4

Mesha, inkhosi yakaMowabi, abefuye timvu, abevamise kwetfula enkhosini yaka-Israyeli emazinyane ato lati-100 000 kanye navolo wetihhanca letiti-100 000.

1 Tikhronike 27:30

Obili, waka-Ishmayeli, abephetse emakamela. Jedeya, waseMeronothi, abephetse timbongolo.

2 Tikhronike 26:10

Waphindze wakha leminye imibhoshongo ehlane, wemba nemitfombo leminyenti, ngobe abefuye kakhulu, abenemihlambi leminyenti emaceleni etintsaba kanye nasematsafeni. Abenebantfu lababemsebentela emasimini, nasetivinini takhe etintsabeni kanye nasetindzaweni letivundzile, ngobe abetitsandza tekulima.

2 Tikhronike 32:29

Wakha emakhaya lamanyenti, waba nenyambalala yetifuyo, timbuti, netimvu, netinkhomo, imihlambi lemikhulu. Nkulunkulu phela abemuphe bunjinga lobukhulu.

Jobe 1:10

Awukambiyeli ngelutsango yini Jobe kanye nemndeni wakhe nako konkhe lanako? Uwubusisile umsebenti wakhe wetandla, waze wamupha ngisho nemihlambi yetifuyo lesetigcwele kulo lonkhe lelive.

Jobe 1:4

Emadvodzana akhe abevamise kwenta emadzili ngemagema emakhaya awo: abeyaye ameme bodzadzewabo labatsatfu kutsi bete batewudla banatse nawo.

Jobe 21:28

Nitsi: ‘Iphi-ke manje lendlu yalomuntfu lomkhulu, aphi emathende lapho lababi bebahlala khona?’

Jobe 29:25

Kwakungimi labebakhetsela indlela, ngihlala emkhatsini wabo njengesikhulu sabo. Ngangihlala njengenkhosi emkhatsini wemabutfo ayo; nginjengemuntfu longumdvudvuti walabalilako.”

Jobe 31:25

nangabe ngangijatjuliswa bunjinga bami, umcebo lowawakhiwe tandla tami,

Jobe 31:37

Bengingamlandzisa ngato tonkhe tinyatselo tami, bengingalingisa umbusi, ngicondzane naye ngco.

Jobe 42:10

Watsi kube Jobe athandazele labangani bakhe, Simakadze wamenta wanjinga futsi; wanjinga ngalokuphindvwe kabili kunakucala.

Jobe 42:12

Simakadze imphilo yaJobe yamuva wayibusisa kakhulu kwengca yakucala. Abenetimvu letiti-14 000, nemakamela lati-6 000, netinkhabi letitinkhulungwane letimbili, netimbongolo letiyinkhulungwane.

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Jeremiya 49:28

Macondzana neKhedari nemibuso yaseHasori, leyahlaselwa nguNebukhadnezari, inkhosi yaseBhabhulona: Naku lokushiwo nguSimakadze, utsi: “Sukumani nihlasele iKhedari, nibhubhise bantfu basemphumalanga.

Numeri 23:7

Bhalamu wakhuluma umlayeto wakhe, watsi: “Bhalaki wangisusa e-Aramu, inkhosi yakaMowabi, etintsabeni letingasemphumalanga, watsi: ‘Kota utengicalekisela Jakobe, ungijivazele Israyeli.’

Tikhulu 6:3

Kwakutsi njalo ema-Israyeli nakahlanyele tilimo tawo, achamuke emaMidiyani, nema-Amaleki, naletinye tive tangasemphumalanga tilihlasele live.

Tikhulu 6:5

Tatitseleka kanye netifuyo tato nemathende ato, kube shangatsi ngemabulo esikhonyane. Kute labengakhona kubala emadvodza nemakamela ato. Tatihlasela live lonkhe tentele kulibhubhisa.

Tikhulu 7:12

EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.

Tikhulu 8:10

BoZeba naSalmuna babeseKhakhori kanye nemphi yabo leyayinemadvodza labengaba ti-15 000, bonkhe lababesele emabutfweni etive tangasemphumalanga. Kwase kufe emadvodza lati-120 000, tingwazi cobo lwato.

1 Samuweli 25:2

Bekukhona indvodza leyayicebile eMayoni, yayinetimphahla khona lapho eKhameli. Yayinetimbuti letatiyinkhulungwane netimvu letati-3 000 leyayitifuyele eKhameli, lapho yayitihhulela khona.

1 Samuweli 27:9

Kwakutsi njalo nje Davide nakahlasela indzawo letsite, abulale konkhe kungasali ndvodza namfati kuphila, bese utfumba timvu, netinkhomo, netimbongolo, nemakamela kanye netimphahla tekwembatsa abuyele nako ku-Akhishi.