Jobe 1:19 - Siswati 1996 Bible

¹⁹ kwefika umoya lomkhulu uchamuka ngasehlane, wabhidlita lendlu, onkhe emakona ayo lamane. Ivele yawela etikwabo, bafa bonkhe; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 1:19 Referencias Cruzadas

Genesisi 42:36

Uyise wakhuluma kubo watsi: “Maye mine bo! Bonkhe bantfwabami bayangiphelela; Josefa akasekho, naSimeyoni akasekho, kodvwa manje senifuna kutsatsa naBhenjamini. Mine konkhe nje kuyangihlanekela.”

2 Samuweli 18:33

Inkhosi yehlulwa buhlungu. Yasukuma yakhuphukela ekamelweni lelalingetulu kwelisango yayawukhala khona. Isakhuphuka, yayihambe ikhala itsi: “Awu, ndvodzana yami, Absalomu! Ndvodzana yami, ndvodzana yami, Absalomu! Kube kufane kwafa mine esikhundleni sakho! Awu, Absalomu, ndvodzana yami, ndvodzana yami!”

1 Emakhosi 20:30

Lawa lamanye avele abalekela edolobheni lase-Afeki, lapho atsi nakefika khona, lubondza lwalelo dolobha lwadzilikela etikwalababeti-27 000 bawo. Bheni Hadadi wabalekela edolobheni, wafike wabhaca ekamelweni lelalingekhatsi endlini.

Jobe 1:18

Naleso satsi sisakhuluma, kwefika lesinye, satsi: “Emadvodzana nemadvodzakati akho abedla lidzili anatsa liwayini endlini yemnakabo lomkhulu,

Jobe 1:20

Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama,

Matewu 7:27

Kwase kuna imvula, imifula yagcwala, nemimoya yahhusha yayiphephula lendlu, yaze yawa. Maye! Kwaba kukhulu loko kuwa kwayo!”

Imisebenti yebaPhostoli 28:4

Lesive saseMaltha satsi nasibona lenyoka inamatsele esandleni saPawula, samsola satsi: “Lomuntfu ngumtsakatsi, nome asaphunyulile elwandle nkulunkulu wekujezisa, longuDikhe, akamvumeli kutsi aphile.”

Kubase-Efesu 2:2

lebenikadze nihamba kuto ngekwendlela yalomhlaba, ngekwembusi wemandla emkhatsi, umoya losasebenta kubantfu labangalaleli Nkulunkulu.

Tikhulu 16:30

Samsoni watsi: “Angife kanye nemaFilisti.” Wafuca ngemandla akhe onkhe. Lithempeli ladzilika lonkhe, lawela etikwebaholi nakubo bonkhe bantfu lababesekhatsi kulo. Ngaleyo ndlela Samsoni wabulala bantfu labanyenti nakafa kunalabo lababulala asaphila.