Jobe 1:18 - Siswati 1996 Bible

¹⁸ Naleso satsi sisakhuluma, kwefika lesinye, satsi: “Emadvodzana nemadvodzakati akho abedla lidzili anatsa liwayini endlini yemnakabo lomkhulu,

Jobe 1:18 Referencias Cruzadas

2 Samuweli 13:28

Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”

Jobe 1:13

Ngalelinye lilanga atsi emadvodzana nemadvodzakati aJobe adla lidzili anatsa neliwayini endlini yemnakabo lomkhulu,

Jobe 1:17

Satsi sisakhuluma leso sigijimi, kwefika lesinye, satsi: “EmaKhaledi ente ticheme letintsatfu awatfumba onkhe emakamela akho ahamba nawo. Abulele tonkhe tinceku takho ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 1:19

kwefika umoya lomkhulu uchamuka ngasehlane, wabhidlita lendlu, onkhe emakona ayo lamane. Ivele yawela etikwabo, bafa bonkhe; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 1:4

Emadvodzana akhe abevamise kwenta emadzili ngemagema emakhaya awo: abeyaye ameme bodzadzewabo labatsatfu kutsi bete batewudla banatse nawo.

Jobe 16:14

Ungihlaba emaphindze, angijijimete njengengwazi lehlanyiswa yinzondo.

Jobe 23:2

“Nalamuhla loku ngisakhala kakhulu, ngobe sandla saNkulunkulu simatima kimi, lite nome ngibubula.

Jobe 27:14

Nome bantfwabakhe bangaba banyenti, noko bayawuphelela enkembeni, netitukulwane takhe tingeke tibe nekudla lokwenele.

Jobe 8:4

Kungahle kube bantfwabakho kukhona labakonile kuNkulunkulu, wase ubajezisa ngalokufanele sono sabo.

Tihlabelelo 34:19

Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,

Umshumayeli 9:2

Bonkhe banasiphetfo sinye: labalungile nalabangakalungi, labahle nalababi, labahlantekile nalabangcolile, labenta imihlatjelo nalabangayenti. Njengobe kunjalo kumuntfu lolungile, kuyawuba njalo nakulosoni; nanjengobe kunjalo kulabo labenta tifungo, kutawuba njalo nakulabo labesaba kutenta.

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Jeremiya 51:31

Sigijimi lesinye silandzela lesinye, nesitfunywa silandzela lesinye sitfunywa kuyawubikela inkhosi yaseBhabhulona kutsi lonkhe lidolobha layo selitfunjiwe.

Sililo 1:12

“Akusho lutfo yini kini, nonkhe nine lenendlula ngendlela? Calatani ndzawo tonkhe nibone. Kukhona yini kuhlupheka lokufanana nekwami kuhlupheka lokwehliselwa kimi, kuhlupheka Simakadze langishaya ngako ngelilanga lekutfukutsela kwakhe lokwesabekako?