Jobe 1:16 - Siswati 1996 Bible

¹⁶ Satsi sisakhuluma lesigijimi, kwefika lesinye, satsi: “Umlilo waNkulunkulu wehle esibhakabhakeni washisa tonkhe timvu takho kanye nato tonkhe tinceku takho; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 1:16 Referencias Cruzadas

Genesisi 19:24

Simakadze wanisa imvula yesibabule nemlilo, iphuma ezulwini, kwana etikweSodoma neGomora.

1 Emakhosi 18:38

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

2 Emakhosi 1:10

Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ukubhubhise wena nalamadvodza langema-50 lohamba nawo!” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

2 Emakhosi 1:12

Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ubhubhise wena nalamadvodza langema-50 lohamba nawo.” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

2 Emakhosi 1:14

Buka la, kwehle umlilo ezulwini wabhubhisa indvuna yekucala neyesibili kanye nalamadvodza betihamba nawo. Kodvwa ngicela umane uphephise imphilo yami!”

Tihlabelelo 45:3

Hhawu, chawe lemachawe, bophela inkemba yakho elukhalweni lwakho, uhlome ngenkhatimulo yakho nangebukhosi bakho.

Eksodusi 9:28

Thandazani kuSimakadze. Manje sesidziniwe ngulokudvuma nalesangcotfo. Ngitanikhulula nihambe, akusafuneki nihlale lapha.”

Levithikusi 10:2

Masinyane kwachamuka umlilo kuSimakadze wabadla, bafela khona lapho, ebukhoneni bakhe Simakadze.

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Amose 7:4

Naku-ke iNkhosi Simakadze lengibonise kona: INkhosi Simakadze beyisabita kwehlulela kwemlilo, lomlilo womisa lwandle lolungaphansi kwemhlaba, waze lomlilo wacala kudla live.

Sembulo 13:13

Senta tibonakaliso letinkhulu, ngisho nekwehlisa umlilo ezulwini wehlele emhlabeni embikwebantfu bonkhe babuka.

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.