Jeremiya 9:9 - Siswati 1996 Bible

⁹ Ngingete ngabajezisa yini ngaloku?” kusho Simakadze. “Ngingete ngatiphindziselela yini mine esiveni lesifanana nalesi?”

Jeremiya 9:9 Referencias Cruzadas

Isaya 1:24

Ngako-ke iNkhosi Simakadze lenguSomandla, lowo longuMnikati Wemandla waka-Israyeli utsi: “Awu, ngitake ngiphumule etitseni tami, ngitiphindzisele kulabangitondzako.

Isaya 10:3

Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?

Isaya 57:6

Emkhatsini wematje labusheleleti asemifudlaneni ukhetsa tithico takho, tona titabelo takho. Yebo, utfululele kuto iminikelo yetinatfo, wanikela nangeminikelo yalokutinhlavu. Ngifanele ngeneliseke yini ngato tonkhe letintfo?

Jeremiya 12:11

Itakwentiwa ibe sigagadvu lesilahliwe, yebo, lesihangukile nalesisikhotsa embikwami. Yebo, lonkhe live litawuba sikhotsa, ngobe kute lonakile.

Jeremiya 12:4

Kuyawudzimate kube ngunini solomane live lihleti ligagadzekile, netjani bawo onkhe emasimi bubunile? Njengobe labo labahlala kulo bakhohlakele, tilwane netinyoni sekubhubhe kwaphela. Ngetulu kwaloko bantfu batsi: “Angeke akubone loko lokwenteka kitsi.”

Jeremiya 4:25

Ngatsi ngiyabuka, ngakhandza kute muntfu, tonkhe tinyoni tesibhakabhaka tase tindizile, tabaleka.

Jeremiya 5:29

Simakadze utsi: “Akukafaneli yini kutsi ngibajezise ngaloku? Akukafaneli yini kutsi ngitenanele kulesive lesinje?

Jeremiya 5:9

Akukafaneli yini kutsi ngibajezise ngaloko?” kusho Simakadze. “Akukafaneli yini ngitenanele mine kulesive lesifanana nalesi?

Hoseya 4:3

Ngenca yaloku live liyalila, nabo bonkhe labahlala kulo bayahusheka; tilwane tesiganga netinyoni tasemoyeni kanye netinhlanti taselwandle kuyafa.”

Joweli 1:19

Awu, Simakadze, ngikhala kuwe, ngobe umlilo sewukhotse onkhe emadlelo, nemalangabi asashise tonkhe tihlahla tesiganga.

Amose 5:1

Lalelani nali livi, ninendlu yaka-Israyeli. Lesililo ngisenta ngenca yenu:

Amose 5:2

“Iwile iNtfombi yaka-Israyeli, ingeke iphindze ivuke futsi, ayinakwa ngumuntfu eveni layo, kantsi futsi kute longayivusa ime.”